VOV4.K’ho- Kờp tus gùl nhai 3 nam 2020 tàm càr Kon Tum neh geh 5 Đảng bộ kấp hơđơm lơh tơrlòng lài Pơrjum dờng pồ tơn Bí thư mờ 10 Đảng bộ, Chi bộ kơnă hơđơm gơ wèt ală Đảng bộ gơ wèt Tỉnh ủy bơyai lơh Pơrjum dờng lơh tơrlòng lài geh cồng nha niam ngan. Tu\ do, ală mờng chài tàm bơyai lơh Pơrjum dờng lơh tơrlòng lài neh geh Tỉnh ủy Kon Tum tơn jơh, mblàng yal nàng rcăng ai Pơrjum dờng Đảng ală kấp in tàm làm bă tiah. Tàm xã Hà Mòn, kơnhoàl Đăk Hà, geh rwah lơh Pơrjum dờng lơh tơrlòng lài. Tơnơ\ pơrjum dờng, neh lơh gơrề nùs nhơm tam klăc bal sơrlèt gan kal ke bơh tơl nă kuang bàng, đảng viên mờ làng bol tàm tiah do dê.

 Rlau 20 ngai tơnơ\ Pơrjum dờng Đảng bộ xã Hà Mòn dơ\ 8, tơngai lơh broă bơh nam 2020- 2025, tàm 14 Chi bộ gơ wèt Đảng ủy xã kiung bè tàm 9 thôn, [òn sùm geh ală dơ\ cribơyai duh hồl tàm đảng viên mờ làng bol tàm tiah do bè ală broă pal lơh nàng kờ` dong tơnguh lơh sa- mpồl bơtiàn bơtàu tơnguh jăt di nùs nhơm Kơrnoat Pơrjum dờng dê. Ồng Lê Đức Thuận, Bí thư Chi bộ thôn Thống Nhất pà gi\t, làng bol tàm thôn chờ hờp ngan tu\ geh gi\t Kơrnoat bơh Pơrjum dờng Đảng bộ xã dê neh đơs di mờ di ngan ală jơnau kơ\p kờ`, bơta gơn kơnờm bơh làng bol dê.

 Ồng Lê Đức Thuận đơs: Nùs nhơm bơh làng bol dê tơnơ\ Pơrjum dờng den đơs bal là làng bol chờ hờp ngan. Pơrjum dờng Đảng bộ xã Hà Mòn dơ\ do ai tơlik ală jơnau kờ` loh làng ngan, bơtàu tơnguh lơh sa, bơ\t bơtàu Hà Mòn ngai sơlơ bơtàu tơnguh. Hơ\ là tơrgùm tam pa wơl ală sươn kơphê neh kra jo\ sơnam. Bơtàu tơnguh ròng phan, bơtàu tơnguh drơng broă ala, ròng siam sur iar nàng tơnguh tai priă lơh geh bơh làng bol dê. Lơh ngan priă lơh geh kờp bal dùl nă cau geh 55 tơlak đong dùl nam. Kơrnoat bơh Pơrjum dờng Đảng bộ xã dê, chi bộ neh tơrgùm mblàng yal ai làng bol in, hòi jà làng bol bal mờ Đảng ủy lam lơh jăt den làng bol gơlơh chờ hờp ngan mờ dùl nùs bal.

Pơrjum dờng Đảng bộ xã Hà Mòn dơ\ 8, rùp bơh Báo Kon Tum dê

Hà Mòn là xã bơh sơnrờp tàm tiah Tây Nguyên geh tơl khà [òn lơgar pa. 5 nam do, bulah kung gam sơl là bùng bi lam lài bơh càr Kon Tum dê tàm broă sền gàr kơ\ sră jờng rơ, bơh sơnrờp lam lơh bơ\t bơtàu [òn lơgar pa tơnguh uă, mơya kung neh geh tềl tơnggo\ pà go\ lơh sa xã dê kung gơ ơm wơl mờ bàr pe bơta gam gơkòl tàm gah niam chài, mpồl bơtiàn ờ hềt geh bơsong jơh. Tài bè hơ\, kuang bàng, đảng viên mờ làng bol kơ\p kơnờm mờ ơn uă bơta pin dờn tàm ală kơrnoat lơh nền mờ Pơrjum dờng Đảng bộ xã dê ai tơlik ai kơnòl broă tàm tơngai lơh broă pa in.

Bi Nguyễn Thị Lam, hìu ơm tàm thôn 1, xã Hà Mòn pà gi\t, ală nam rềp ndo, priă tăc kơphê gơmù lơyah ngan, lơh sa hìu bơnhă kal ke ngan, nàng geh tai priă jền, bi tam tàm bơrlu\ bal chi sa plai tàm sươn kơphê. Broă Pơrjum dờng Đảng bộ xã pơn jờng broă lơh do, hơ\ sồng geh gùng dà dong cau lơh broă sa lơh gơlik phan mờ kă bro phan bơna dong bi sơlơ kơ\ kơl jăp tai bơta pin dờn tàm gùng dà bơh he dê.

Bi Nguyễn Thị Lam, đơs: A` go\ tờm kơphê pah nam tơnhàu geh tu\ tơnhàu geh uă mơya tăc ờ yòm, tu\ tăc yòm den tơnhàu ờ huan geh uă, ờ tơl nàng dơ\ ngui tàm rài kis bơh dùl hìu bơnhă dê. Bè hơ\ là hìu a` hơ\ sồng lơh nền tam tàm bơrlu\ bal tai bàr pe bơta chi sa plai tàm hơ\ nàng lơh geh tai priă jền ai hìu bơnhă in. Kơphê den hìu bơnhă geh mờr 1 lồ. Chi sa plai geh bal tờm kroăc, tờm quýt pơgăp 300 tơmàn, bal mờ bàr pe tờm plai hồng xiêm, sầu riêng tai.

Chi sa plai tam tàm bơrlu\ bal tàm sươn kơphê tàm thôn 1, xã Hà Mòn

Bơta mờ mờr 5 rbô nă làng bol tàm 9 thôn bơh xã Hà Mòn dê sền go\ gơlơh chờ hờp ngan rlau jơh là Pơrjum dờng Đảng bộ xã neh pồ geh 15 nă kuang bàng geh jơng tàm Ban Chấp hành mờ đơs bè làng bol dê là “ndrờm lơh jăt geh gơnoar broă bơngă bơh cau kuang bàng, đảng viên dê mờ geh nùs nhơm drơng broă Làng bol in niam ngan”.

 Là kuang bàng lơh broă Phòng Nội vụ geh kơnhoàl tàm ntrờ` ai rê lơh broă hờ xã lài mờ Pơrjum dờng mìng bàr pe nhai lơm, mơya Bí thư Đảng ủy xã Hà Mòn là mò Nguyễn Thị Mai Hương, 40 sơnam bal mờ nùs nhơm lơh broă bơceh pa, rềp mềl mờ làng bol, gi\t nền broă lơh neh geh làng bol cih dờp mờ Pơrjum dờng jờng rơ ngan. Mờ tàm ală ngai bồ nhai 3 tơn, Tây Nguyên tơngai duh tơ àl ngan bè ồs chu ồs sa, ùr Bí thư Nguyễn Thị Mai Hương kung gam lòt gùng ngài lòt tus tiah kềng bơtơ\t dơng dà hìu măy pờ tơlik ồs Plei Krông hòi jà làng bol tàm gơ jàr mờ tu\ dà gơhoài tus tiah lơi den lơh sa tus tiah hơ\. Ală gùng dà broă lơh nàng tơnguh lơh sa bơtàu tơnguh rài kis, lơh tơnguh priă lơh geh ai làng bol tàm xã in sùm là jơnau mờ Bí thư Đảng ủy xã Hà Mòn mò Nguyễn Thị Mai Hương kơlôi sơnơng sùm.

Mò Nguyễn Thị Mai Hương, đơs: Hà Mòn broă ngui công nghệ tàm broă lơh sa den kung geh sơl mơya kung gam ờ hềt jak chài sơl mờ kuơmàng là ală anih lơh bal cau lơh broă sa tus bal tàm Mpồl lơh broă bal, Hợp tác xã dùl êt ngan lơm. Bol a` kung gam tơrgùm lam ngui công nghệ cao lơh broă sa sươn sre, bơh broă lơh gơlik tus broă tơnhàu mờ tus dì broă lơh gơlik phan. Bè tam pa wơl kơphê tơrgùm hòi jà làng bol lơh jăt tam pa wơl mờ tam tàm bơrlu\ bal ală bơta chi sa plai, chi lơh sơnơm tàm sươn kơphê nàng gàr niam priă lơh geh ai làng bol in.

Ngui camera nàng gàr rơndăp tăp sèng lơngăp lơngai ờdo ờdă thôn [òn tàm xã Hà Mòn

 Geh Tỉnh ủy Kon Tum sồr bơyai lơh Pơrjum dờng lơh tơrlòng lài nàng bơh hơ\ pơrjum tơn jơh, lơh uă ai Pơrjum dờng Đảng ală kấp in tàm uă tiah, bơta geh ngan pà go\, Đảng bộ xã Hà Mòn, kơnhoàl Đăk Hà neh bơyai lơh niam Pơrjum dờng lơh geh bơta gơ rề uă, gơrềng dờng ngan tus tàm ală ngai lài, tàm mờ tơnơ\ Pơrjum dờng. Mò Phạm Thị Trung, Bí thư Huyện ủy Đăk Hà đơs là, hơ\ là kơnờm ală broă tờm, kuơmàng bơh broă rcăng tus broă bơyai lơh Pơrjum dờng geh rcăng niam, nền nòn, đơng lam di tu\.

Mò Phạm Thị Trung đơs: Huyện ủy sền gròi tus broă lơh mblàng yal lơh geh bơta ring bal tàm bơta gi\t wa\ bè ală bơta pa tàm broă đơng lam bơh kấp hơđang dê tàm broă lơh rcăng Pơrjum dờng tơngai lơh kơnòl broă do. Broă tờm dơ\ bàr mờ Huyện ủy sền dờng màng ngan hơ\ là sac rwah kuang bàng pal geh ală bơta niam uă rlau bè bơta pràn jak, bè nùs nhơm lơh broă, bè lơh jăt ngan ngồn jơnau sồr bơh càr, bơh kơnhoàl dê tàm tơngai lơh kơnòl broă bơtàu tơnguh lơh sa- mpồl bơtiàn tàm tiah he dê. Broă lơh ală rơndăp cih ală sră nggal jun yal là pal niam ngan, rềp mờ bơta geh ngan, lơh geh bơta ring bal bơh đảng viên, bơh ală rơnàng làng bol dê gơ wèt mờ kơnòl broă tờm bơh tu\ tơngai pơn jăt tai dê.

Kơnờm lơh jăt niam nùs nhơm làng bol lơh tờm mờ bồ tơngoh jak mpồl bal dê, Đảng bộ xã Hà Mòn, kơnhoàl Đăk Hà neh bơyai lơh geh cồng nha Pơrjum dờng lơh tơrlòng lài Đảng bộ xã Hà Mòn dơ\ 8, tơngai lơh broă bơh nam 2020- 2025. Kuơmàng rlau tai là tơnơ\ Pơrjum dờng neh gơrề geh nùs nhơm tam klăc bal sơrlèt gan kal ke brồ guh bơh tơl nă kuang bàng, đảng viên mờ làng bol dê nàng bơ\t bơtàu [òn lơgar ngai sơlơ jak chài, pas sơm niam bơne\.

Cau cih Khoa Điềm- Cau mblàng Lơ Mu K’Yến