VOV4.K’ho - Tòm 1 poh, gùt lơgar lơh jat Jơnau sồr tam cah is gùt mpồl bơtìan tàm pơgap 15 ngai nàng kờ` kơryan bơta bơ tờp ua\ bơh kòp Covid-19 dê. Tơngai lài, ua\ cau neh git ngui tu\ tơngai do nàng bơsram sră, lơh broă online, mờ làng bol gơtùi lơh `chi nàng lơh rài bồ tơngoh, chờ hờp tàm hìu bơnhă? “Ơm tàm hìu kung gam chờ hờp sơl” là bơta geh ua\ ngan cau gam lơh ngan wèt tus mờ kung là mat sơnđan broă lơh mờ Bộ Y tế pơ gồp bal mờ Ủy ban Mặt trận dà lơgar Việt Nam, Kes pria\ kơ nòm dềt Liên hợp Quốc (UNICEF) lam lơh.

Gơwèt mờ nghệ sỹ ưu tú Thúy Đạt, ală ngai gùt lơgar pơgồp bal bơta pràn, dùl nùs bal sơndră mờ kòp Covid-19 kung là ală ngai mờ mò lơh broă tryang tryồng ngan rlau jơh. Ala mờ tus bal ală show bè lài do, mò ơm tàm hìu cih jơnau nri\, bơceh jơnau đơs crih pa sơndră mờ kòp. Tơnơ\ jơnau đơs xẩm Bơta kờ` gơboh tơngai gơbàn, mò gam cih tai ală jơnau đơs crih pa bè Việt Nam dà lơgar a` kờ`, A` kờ` rài kis kờ` dà lơgar Việt Nam a`, kờ` mè.  Pa do, nghệ sỹ ưu tú Thúy Đạt pa tơlik mat cau sền in 2 jơnau nri\ pa kung bè tơngume rơcang sơndră kòp Covid-19 sơl, là Bulah mê geh bơta sơbơng roh  mờ Mìng geh tàm lơgar Việt Nam. 

NSƯT Thúy Đạt pà git, jơh gùt lơgar gam lơh ngan sơndră kòp, mờ cau nghệ sỹ rlau mờ tu\ lơi jơh, sơlơ pal bơceh, lơh gơ rề pràn rlau tai nùs nhơm, bồ tơnggoh mờ bơta pràn tam klac bal bơh jơi bơtìan dê:

“Jơh gùt lơgar gam lơh ngan sơndră mờ kòp do, jat a` sơnơng den he là dùl nă nghệ sỹ, lơh broă tàm gah niam chài den he pal lơh bơta lơi hơ\ tàm tu\ dà lơgar bè do. Jơh tơl nă làng bol ndrờm ring bal dùl nùs mờ a` ờ gơtùi ơm  bơdìh ờ. Ală broă lơh bè pơn chèu glòm muh mat, ràu tê mờ dà lơh kloh khuẩn, tam cah is, rơcang sơndră kòp, gàr kloh niam să jan. Hơ\ là bơta nàng ai tơnggo\ nùs nhơm kờ` gơboh dờng ngan rlau jơh, kươmàng ngan rlau jơh gơ wèt mờ kòn bơnus tu\ do”.

Kòp Covid 19 geh ua\ gơlik geh ngòt rơngơt den tàng ua\ mpồl lơh sa kă bro, mpồl lơh broă, mpồl bal neh ơm jơh ală dơ\ pơrjum, broă lơh tơr gùm gal cau, mơkung pơn jờng cau lơh broă là lơh broă pờ tơlik tơn tàm internet ala mờ lòt tus anih lơh broă. Bơta do dong ală cau kơnòm să geh tai tu\ tơngai nàng lời ai să tờm mờ hìu bơnhă in. Geh ua\ tu\, bơta chờ hờp mìng sơn đờm bơh ală broă lơh dềt rơ hền bè do:

“A` geh dùl ban công dềt, den tàng a` tam dùl êt tờm chi dềt, sền tờm chi lè bơkàu gơ lơh chờ hờp rlau, hìu bơnhă geh bơta pràn rlau”.

“Ơm tàm hìu bal mờ mè, mờ bơklau tru\ gơm phan sa bal mờ mò, tru\ gơm ndang boh bơr ndang. A` kung geh tu\ nàng boh bơr ua\ rlau mờ me bèp tàm tu\ sàu piang halà tu\ tru\ gơm phan sa. Tu\ ơm rềp mờ boh bơr ua\ bè hơ\ den lơh he sơlơ wă rlau mờ ală cau tàm hìu bơnhă kung sơlơ đềt mềr, git wă bal mờ gơp, mờ gơ lơh niam rlau”.

Gơwèt mờ mò Rana Flowers, Kuang ala mat Unicef tàm lơgar Việt Nam, den bơta chờ hờp tàm hìu bơh mò dê là geh lơh nho lơh mrềt kòn ùr dềt in. Mò kung quay is video bè bơta chài lơh phan sa do bè dùl broă nàng lơh jat broă lơh Ơm tàm hìu kung gam chờ hờp sơl bơh Bộ Y tế, Mặt trận dà lơgar Việt Nam mờ Unicef pa lam lơh:

“Niam să ală bơ yô, nàng kờ` tam pà ală jơnau bơceh niam lơh `chi chờ hờp tu\ ơm tàm hìu, a` ai jơnau bơceh bơh kòn ùr a` dê mờ tam pà bal mờ ală bơ yô. Kòn a` dê kò` ngan sa nho lơh mrềt. {ươn ngan yơ, bơ yô mìng koh plai nho gơs 2 gơl, pat dùl êt dà plai chanh halà plai màk, ơn jơh ală phan do tàm bơngàn mờ ơn tàm tùh mrềt. Plai nho gơs mrềt, kơldang, sa bơkah rlau mờ nho ờs”.

Broă lơh Ơm tàm hìu kung gam chờ hờp sơl  hòi jà jơh tơl nă cau tam pà ală broă lơh niam tàm hìu, bơh ală broă lơh ờs mờng pah ngai bè tru\ gơm phan sa, tàp pràn să jan, bơsram sră, tus ală broă lơh krơi is rlau, bè soh is phan niam mờ ai cau in sền, đơs jat jơnau đơs cih, tamya nàng lơh rài bồ tơngoh.

Ồng Hầu A Lềnh, Ủy viên Ban chấp hành Đảng dà lơgar, Phó chủ tịch, Tổng thư ký Uỷ ban Mặt trận dà lơgar Việt Nam kơp kờ`, tơl nă cau, tơl hìu bơnhă lơh jat jơnau hòi jà ơm tàm hìu mờ nùs nhơm chờ hờp, pin dờn mờ at tê bal sơndră mờ kòp bơ tờp:

“Kòp Covid-19 ngai sơlơ gơlik geh kal ke. At tê bal te\ rơcang sơndră kòp tài pràn kơldang să jan bơh să tờm mờ mpồl bơtìan dê, tàm tơngai do ờ huan lòt hờ bơdìh, tiah geh gal cau, tiah tơr gùm gal cau nàng pleh jơnau digơlan bơ tờp kòp. Tam gơl te\ tu\ tơngai kươmàng do gơ gơs tu\ niam nàng đềt mềr mờ lơh ua\ broă geh kươ ai să tờm, hìu bơnhă mờ mpồl bơtìan in.

Rlau mờ tu\ lơi jơh tu\ gùt lơgar pơgồp bal bơta pràn, dùl nùs bal lơh jat jơh ùs broă tam cah is gùt mpồl bơtìan den hơ\ ờ mìng là bơta chờ hờp bơh tơl nă cau dê tu\ ơm tàm hìu tai mờ gam tă pơ gồp ua\ ngan ai broă lơ sơndră mờ kòp Covid-19 gam ngai sơlơ kal ke mờ ngòt rơ ngơt. Mờ ờ di là ni sơna mờ ală ngai rềp ndo, git nđờ tơlak nă làng bol tàm lơgar mờ dunia ndrờm tơngkah “Ơm mo\ te\ tu\ dà lơgar kờ`” halà broă ală y bác sĩ đơs sùm “Bol hi lòt lơh broă tài bơh ală bơ yô. Dan ală bơ yô ơm tàm hìu tài bơh bol a`”.

Cau mblàng K’Duẩn