VOV4.K’ho- Drim òr (23/7), tàm hìu duh broă Chính phủ dê, ồng Nguyễn Xuân Phúc Thủ tướng Chính phủ, Chủ tịch Ủy ban Dà lơgar bè Chính phủ điện tử đơng lam Pơrjum pờ tơlik tơn tàm internet Ủy ban Dà lơgar bè Chính phủ điện tử mờ ală Mpồl đơng lam bơ\t bơtàu Chính phủ điện tử, gơnoar atbồ điện tử bộ, gah lơh broă dà lơgar mờ ală tiah.

Đơs đơng lam pơrjum, ồng Nguyễn Xuân Phúc đơs bè bơta geh ngan, khà ngui broă drơng ala broă dà lơgar lơh tơn tàm internet tàm ală tiah mìng pơgăp 15%, ală bộ, gah lơh broă dà lơgar pơgăp 29%, pà go\ cồng nha drơng broă dà lơgar lơh tơn tàm internet gam lơyah.

Thủ tướng đơs sùm, làng bol ngui drơng broă dà lơgar lơyah den Chính phủ điện tử ờ hềt geh cồng nha. Tus tu\ do, 100% ală bộ, anih lơh broă ndrờm pal mờ bộ mờ 62/63 càr mờ [òn dờng gơ wèt dà lơgar (ờ kờp [òn dờng Hồ Chí Minh) neh crơng gơs Mpồl đơng lam bơ\t bơtàu Chính phủ điện tử, gơnoar atbồ điện tử.

Kờp tus qúy 2 nam do, ală tiah neh lơh 43 rbô 369 drơng broă dà lơgar lơh tơn tàm internet khà 3 mờ khà 4. Nhai 6 pa do, Tơngume bơ\t bơtàu Chính phủ điện tử Việt Nam phiên bản 2.0 neh geh yal mờ Thủ tướng Chính phủ. Đơs pơndu\t pơrjum, Thủ tướng Nguyễn Xuân Phúc sồr lơh ngan jơh nùs bơ\t bơtàu tus gơtùi Chính phủ điện tử.

Cau mblàng Lơ Mu K’Yến