VOV4.K’ho- Tơnơ\ dơ\ sơnđờm mu\t pơrjum, Mpồl kuang bàng ala mat pe lơgar tus bal Pơrjum 3 gah mờ 2 gah kấp Bộ trưởng Campuchia- Lào mờ Việt Nam bè lơh broă bal rcăng, sơndră ma túy dơ\ 18 neh mu\t pơrjum dơ\ sơnrờp. Mpồl kuang bàng ala mat 3 lơgar Việt Nam, Lào mờ Campuchia neh yal bè bơta geh ngan, cồng nha broă lơh rcăng, sơndră ma túy tàm tơl lơgar dê, bơh hơ\ sền go\ loh ală bơta [ươn, bơta kal ke, bơta lòng mờ geh uă gùng dà broă lơh rcăng sơndră ma túy.

Ală kuang bàng đơs, tơngai tus, cau lơh tìs ma túy geh pơn jat tai lơh broă bal mờ ală gùng dà broă lơh rơlăc rơliang rlau, khin bơrna` rlau, lơh tìs uă rlau. Bal mờ gơnoar broă là Kuang atbồ Pơrjum dơ\ 18, Việt Nam hơ geh lơh jơh pràn he dê mờ kơ\p kờ` dờp geh bơta dùl nùs bal, bơta lơh broă bal, pơgồp bal niam bơh ală Ủy ban dà lơgar rcăng sơndră ma túy lơgar Campuchia mờ Lào dê tàm broă pơn jat tai tơrgùm bal pràn, lơh broă bal niam, hòi jà uă ngan bơta pràn dơlam is, ngui niam jơh ală bơta pràn nàng drơng ai broă lơh rcăng sơndră ma túy in.

Pe lơgar dùl nùs ring bal lơh lài ai broă lam lơh ală gùng dà broă lơh loh làng, geh bơta gơtùi mu\t lơh ngan ngồn, lơh geh cồng nha rcăng sơndră bè ma túy tàm tiah nhàr lơgar. Bal mờ hơ\, geh pơn jat tai lam lơh ală dơ\ lơh uă mblàng yal, jòi mờ ku\p kơryan cau lơh tìs ma túy tàm tiah nhàr lơgar đah Việt Nam, Campuchia mờ Lào.

Cau mblàng Lơ Mu K’Yến