VOV4.K’ho - Geh ơm tàm brê nho bal mờ pàl puh di mơ mrềt niam tàm tiah kơh bơnơm Lang Biang, [òn dờng Dà Làc, càr Lâm Đồng geh ù tiah pơgồp bal mờ dòr kơh bơnơm, trồ tioah mrềt niam gùt nam, ờ di mờ ală lơgar lơi geh tu\ lah geh bal gùng vĩ độ. Bơh bơta niam bơne\ ù tiah bal mờ trồ tiah geh is do, broă lơh hìu đam niam neh lơh tiah do gơs dùl anih nhơl chờ ơm rơlô să geh pơnrơ ngan lơgar Việt Nam dê.

Mơya, tài broă tơnguh bơtàu [òn lơgar mhar ir neh lơh bơta geh bal mờ bơta pràn geh is bơh [òn dờng niam bơne\ do dê gam ntào tềng đăp mờ bơta di gơlan gơtìp ờ geh tai.

Tềng đăp mờ bơta mùl màl do, UBND càr Lâm Đồng neh geh ală broă lơh mùl màl lơi kờ` dong kờl, prăp gàr wơl ală phan bơna kuơ màng geh ù tiah pà is? Broă do geh ai tơngo\ tàm dơ\ boh bơr tơnơ\ do bơh cau ai tơng^t jơnau đơs Việt Nam mờ ồng Phạm S, Phó Chủ tịch UBND càr Lâm Đồng.

-Ơ ồng, trồ tiah, phan geh is, tiah kis là bơta pràn dờng ngan di lah pơndrờm Dà Làc dê, là bơta geh niam ngan mờ ờ geh tiah ndai lơi kờ` geh. Mơya, tàm broă tơnguh bơtàu bal gơlơh bè ală bơta kuơ do ndrờm gam gơtìp ờ niam tai, ồng geh jơnau đơs lơi bè broă do?

                             Lơh ngan gàr bơta kuơ tiah kis mờ ù tiah niam ai Dà Làc in

Ồng Phạm S: Gơwèt mờ bơta kuơ ù tiah niam Dà Làc dê, den do là dùl tàm ală broă tòm ngan, tài di là “[òn dờng tàm brê, brê tàm [òn dờng”. mơya, mờ broă kờ` geh ai tàm mùl màl, hơ\ là broă lơh [òn lơgar, broă bè kờ` lơh sa suơn sre, kuơ màng là lơh sa suơn sre công nghệ cao, atbồ dà… den tàng kung geh ală broă gơrềng bal tus mờ bơta kuơ ù tiah niam pơndrờm mờ tu\ neh jo\ ngan bơh lài do [òn dờng Dà Làc dê.

Den tàng, tàm gùng dà tơnguh bơtàu pal lơh jăt rơndăp broă jăt kơrnoăt sồ 704, mờ kơlôi sơnơng ndrờm bal uă broă lơh mờ geh prăp gàr mờ` tơnguh bơtàu ndrờm bal broă lơh sa, ndrờm bal bè tiah kis.

Den tàng, tàm broă bơyai lơh sa, tàm gah bơ\t bơtàu, càr ai geh ală broă lơh, rơndăp broă atbồ bè rơndăp broă lơh [òn drà di pal. Gàr niam geh bơta kuơ ù tiah niam, ờ geh hìu krơh `hoa lơh ờ niam tus mờ bơta niam [òn lơgar.

-Ơ ồng, bơdìh mờ broă gơrềng bal bơh tam gơl trồ tiah gùt plai ù, bè ồng pal đơs tài bơh khà tơnguh bơtàu [òn drà, broă lơh jăt bơta kuơ broă lơh sa bơh hìu krơh hìu jàl drơng tàm broă tơnguh bơtàu lơh sa suơn sre ngui công nghệ cao neh lơh tiah kis tàm [òn dờng Dà Làc gơtìp tam gơl ờ niam, bơta do geh sền là bơta kơrian dờng ngan tàm broă bơ\t bơtàu Dà Làc gơs [òn drà lời wơl kah yau Việt Nam dê ha là ờ?

Ồng Phạm S: Gơwèt mờ [òn drà lời wơl kah yau, do là broă tơrgùm bal ală bơta. Broă lơh sa suơn sre tàm hìu krơh hìu jàl mìng gơrềng dùl bơnah di lah pơndrờm mờ khà geh ai nàng wèt tus dùl [òn drà lời wơl. Tài [òn drà lời wơl tàm hơ\ geh bal bơta tiah kis, bơta niam ù tiah, tàm hơ\ uă ngan là bơta niam broă lơh hìu đam.

Den tàng, dùl đah bơta niam hìu đam pơn jăt tai prăp gàr kờ` tơnguh bơtàu mờ wèt tus, do là bơta tòm bè lời wơl.

Gam bè bơta niam broă lơh sa suơn sre, tài broă ngui hìu krơh hìu jàl den tàng càr geh pơn jăt tai sền wơl, ală hìu krơh geh lơh tơl niam den pơn jăt tai bơcri priă blơi phan lơh broă ndrờm bal kờ` tơnguh bơtàu, ală bă ù ờ tơl niam den rơhời tă sờr, wèt tus gùng dà broă lơh mờ bơyai atbồ, tam tòm chi jăt gah, tam ală phan tam ờ kờ` geh hìu krơh hìu jàl, lơh bè hơ\ den geh di niam wơl trồ tiah gùt dar kung bè bơta niam hìu đam, pơgồp bal mờ bơta kuơ bơh broă lơh sa mờ tiah kis, kung bè bơyai lơh prăp gàr phan lời wơl [òn drà Dà Làc dê.

-Ơi, bè ồng pa đơs, càr Lâm Đồng neh mờ gam lơh jăt uă broă lơh kờ` lơh ngan prăp gàr mờ lơh niam wơl ù tiah niam tơlir bè neh tu\ geh Dà Làc dê, bơta do geh lơh bè lơi?

Ồng Phạm S: Do là broă geh ai ờ mìng Dà Làc, càr Lâm Đồng dê, mờ do là broă lơh bal bơh gùt plai ù.

Den tàng tu\ do càr Lâm Đồng kung bè [òn dờng Dà Làc gam pơn jăt tai lơh ală rơndăp broă mờ geh gùng dà broă lơh gơrềng bal niam tus mờ bơta niam tiah kis. Hơ\ là càr Lâm Đồng neh geh Thủ tướng Chính phủ ai lơh tơrlòng broă lơh [òn drà tơlir.

Mờ [òn drà tơlir do là dùl tiah geh bă ù kàr lơi mờ broă lơh jăt broă tơnguh bơtàu [òn drà ờ uă mơya do là dùl [òn, lơh bè lơi gàr niam bal bè tiah kis, bơh tu\ hơ\ geh lơh uă tus tàm ală tiah ndai bơh ală [òn drà ndau kung bè tàm [òn dờng Dà Làc dê.

Broă dơ\ bàr, càr Lâm Đồng gam tơnguh broă lơh bal mờ dunia kờ` lơh jăt [òn dờng Dà Làc gơs dùl [òn dờng cacbon ờ uă tàm tơnơ\ do.

Broă dơ\ pe, pơn jăt tai tam chi mờ atbồ nền nòn broă lơh hìu đam, kờ` wèt tus [òn dờng Dà Làc gơs dùl [òn dờng geh ù tiah niam. A` đơs là broă do geh ai bơta ring nùs bal uă bơh làng bol, tài să tòm [òn dờng Dà Làc neh là [òn dờng tàm brê, bơta niam bè bă brê uă ngan, ù tiah niam ngan… bè hơ\ geh gàr niam broă he kờ` lơh geh.

Mờ bơyai bơ\t bơtàu [òn dờng Dà Làc đơs [òn drà ngăc ngar tus nam 2025. Geh bal ngăc ngar bè gùng lòt, gơnoar atbồ điện tử, phan geh is, ù tiah, ngăc ngar tiah kis mờ lơh sa suơn sre ngăc ngar… ndrờm bal bè hơ\ geh ai Dà Làc geh bơta ndrờm bal tàm broă tơnguh bơtàu tàm tơngai tus.

-Ơi, mờ ală gùng dà bal mờ broă lơh niam mờ càr Lâm Đồng gam lơh ngan lơh jăt, bè hơ\ [òn dờng Dà Làc geh gàr niam ală bơta “geh kuơ màng do” mờ ù tiah geh is neh pà ai ù iah do in lah ờ?

Ồng Phạm S: Tàm broă tơnguh bơtàu bè hơ\ den Thủ tướng neh k^ kơrnoăt sồ 704, bơ\t bơtàu [òn dờng Dà Làc gơs ală anih lơh broă kơlôi sơnơng, gơs ală tiah lơh sa suơn sre công nghệ cao, dùl [òn drà ù tiah niam geh nùs nhơm là brê tàm [òn dờng – [òn dờng tàm brê.

Ală gùng dà broă lơh tàm tơngai tus den càr neh tơrgùm mờ lơh jăt khà bơh rơndăp broă geh ai jăt sồ 704 mờ bol a` pin dờn là tu\ he bơyai lơh atbồ dà lơgar ndrờm bal, lơh jăt ală gùng dà broă lơh niam, khoa học den gam geh prăp gàr sùm [òn dờng Dà Làc là dùl [òn dờng ù tiah niam jăt gùng dà broă lơh bơh kơrnoăt sồ 704 dê.

-Ơi, dan ưn ngài ồng uă ngan!

Cau mblàng Ndong Brawl