VOV4.K’ho- Bal mờ khà kờp làng bol rlau 535 rbô nă cau, làng bol kòn cau geh tus rlau 53%, Kon Tum là càr geh broă lơh sa- mpồl bơtiàn kal ke ngan rlau jơh pơndrờm mờ ală càr tàm tiah Tây Nguyên.

Tàm tu\ hơ\, nam 2019, priă tăc ală bơta phan lơh geh bơh sươn sre, bè kơphê, kau su, tiêu…kung gam pơn jăt tai ơm tàm khà lơyah ngan lơh priă lơh geh bơh làng bol dê gơtìp gơrềng uă ngan.

Mơya, mờ bơta tus bal jơh nùs mờ krà` cê ngan bơh gơnoar ătbồ, gah lơh broă geh gơnoar tàm tiah do dê bal mờ bơta lơh ngan pơđơl pràn bơh tơl nă làng bol dê, lơh sa càr Kon Tum dê nam 2019 kung gam geh sơl broă bơtàu tơnguh pal cih dờp.

Nam 2019, tềng đăp bơta priă tăc phan lơh geh bơh sươn sre, bè kơphê, kau su, tiêu…kung gam pơn jăt tai ơm tàm khà lơyah sơl, càr Kon Tum hòi jà mpồl lơh sa kă bro mờ làng bol tơnguh broă lơh gơlik phan nàng tơnguh uă priă kă bro phan bơna tơrmù hoàc hươr. Mờ 8 hìu măy lơh gơlik [òk bùm blàng, 7 anih lơh gơlik kơphê geh lơh broă dờng, 100 anih lơh gơlik phan dềt rah rài, 7 hìu măy lơh gơlik bơsơ\t kau su…sền bal anih lơh gơlik phan lơh geh bơh sươn sre tàm càr geh drà kă bro kơryan geh jơnau cau lơh broă sa gơtìp bơcăp priă tăc phan.

Sền gàr kơphê tiah mrềt tàm tiah làng bol kòn cau tàm kơnhoàl Kon Plông, càr Kon Tum

Broă bơh sơnrờp càr lơh geh ală phan bơna pơnrơ is bơh tơl xã dê kung dong cau lơh broă sa tăc bro geh phan lơh geh bơh sươn sre [ươn. Kơnờm bè hơ\ mờ priă lơh geh kờp bal dùl nă cau bơh càr Kon Tum dê kung gam gơguh sơl bơh rlau 37 tơlak đong nam 2018 tus rlau 41 tơlak đong tàm nam 2019. Kuơmàng rlau là rài kis làng bol dê, ngan là làng bol kòn cau tàm tiah sar lơgar ngài, tiah kal ke ngan bơh càr dê gàr geh bơta kơ\ kơl jăp mờ kung gam geh sơl broă bơtàu tơnguh.

Bi A Đổm, cau Jeh Triêng ơm tàm [òn Đăk Tum, xã Đăk Môn, kơnhoàl Đăk Glei, pà gi\t: Nam 2019 đơs bal, priă tăc bro ală bơta phan lơh geh bơh sươn sre bơh cau lơh broă sa dê tìp uă ngan kal ke. Mơya, bal mờ bơta lơh ngan pơđơl pràn rài kis làng bol dê ngai sơlơ geh bơtàu tơnguh loh làng ngan. Nàng yal cơng tàng ngan ngồn den tàm nam 2019 geh 8, 9 hìu lơh geh hìu pa niam bơne\ ngan. Priă lơh geh kung geh tơnguh tai, broă sàu sa bơh làng bol dê geh wil tơl rlau, broă ơm kis kung bơtàu tơnguh rlau.

Lơh đèng tus tàm tiah sar lơgar ngài càr Kon Tum dê

Nam 2019 bulah tìp uă ngan kal ke mơya càr Kon Tum kung gam lơh geh sơl 12 tàm 13 jơnau kờ`, broă jàu bơtàu tơnguh tờm ngan mờ Kơrnoat bơh Hội đồng Nhân dân càr dê jàu. Khà gơguh lơh sa bơh càr dê geh bơta bơtàu tơnguh mhar kuơmàng, gơguh 9,96%. Dơ\ sơnrờp tă dia dà lơgar geh mờ sơrlèt khà 3 rbô tơmàn đong, jơnhoa rlau mờ kờp du\ lài geh jàu rlau 26%. Càr kung neh lơh geh tiah tam chi lơh sơnơm ơnàng 750 lồ mờ phan lơh geh rlau 3.900 tấn ờ hềt kờp tus kơnuh sơnơm Ngọc Linh. Crơng gơs pa 243 mpồl lơh sa kă bro bal mờ kờp jơh priă cih tàm sră pơ àr là rlau 2.500 tơmàn đong. Gơhòi gơ jà 57 rơndăp broă lơh bơcri priă bal mờ kờp jơh priă cih tàm sră pơ àr là rlau 5 rbô tơmàn đong.

Ồng Võ Thanh Chín, Kuang ătbồ Mpồl Cau ling cau, kuang bàng Hội đồng Nhân dân càr Kon Tum dê đơs niam ngan cồng nha mờ càr neh lơh geh tàm nam 2019 pa do, bè do: Nam 2019, bol he lơh geh mờr 10%, do là dùl broă jàu dờng ngan tàm tu\ hơ\ Kơrnoat bơh Hội đồng Nhân dân càr dê jàu bồ nam là 9%. Bol he lơh geh mờ sơrlèt 12 tàm 13 broă jàu. Bè priă lơh geh kờp bal dùl nă cau sồr lơh geh là 40 tơlak đong mơya tu\ do rlau 41 tơlak đong. Gơmù r[ah kung neh lơh geh rlau 4% sơl. Hơ\ là ală broă jàu tờm ngan bơtàu tơnguh lơh sa bơh càr dê lơh geh bè hơ\.

Priă tăc kơphê gơmù uă ngan lơh cau lơh broă sa càr Kon Tum pal tam bơrlu\ bal tờm chi sa plai tàm sươn kơphê

Lơh jăt cồng nha lơh geh tàm nam 2019, nam 2020 càr Kon Tum lơh ngan lơh geh khà gơguh rlau 12%; tă dia dà lơgar tàm càr geh rlau 3.500 tơmàn đong; priă geh bơh tăc phan mờ lơgar ndai 150 tơlak dolar Mỹ; priă lơh geh kờp bal dùl nă cau rlau 45 tơlak đong; khà hìu bơnhă r[ah lồi nam 2020 gơmù bơh 3 tus 4% mờ geh tai 3 xã geh tơl khà [òn lơgar pa. Nàng lơh geh ală jơnau kờ` do, bơh ală ngai, nhai bồ sơnam 2020 dê tơn, gơnoar ătbồ càr neh krà` cê jơh nùs ngan lam lơh jăt dùl ròt bal uă gùng dà broă lơh nàng pơn jăt tai dong lơh sa bơtàu tơnguh.

Cau cih Khoa Điềm- Cau mblàng Lơ Mu K’Yến