VOV4.K’ho – UBND càr Kon Tum pa lơh pơrjum ờs mờng nhai 7 sền sơ wì broă lơh sa, mpồl bơtìan càr dê.

Jat jơnau yal, tàm nhai 7, lơh sa - mpồl bơtiàn càr Kon Tum dê pơn jat tai gàr bè ờs khà gơguh mờ lơh geh uă cồng nha. Broă tă dia geh 66% khà kờp du\ tàm nam; khà dồs tơm rlau mờ tơngai pơrgon gơ ơm  tàm khà lơyah hơ đơm 2%; broă lơh rơcang sơndră trồ prang soat dà, rơcang sơndră trồ tiah lơh aniai, rơcang sơndră ồs sa, rơcang sơndră tơnhàu phan kuơ geh is, phan kuơ tàm ù tìs mờ adat boh lam… geh sền gròi đơng lam lơh jat.

Tàm dơ\ pơrjum, ală kuang bàng neh tơr gùm cribơyai, ai tơlik ală broă lơh nàng lam lơh geh cồng nha 2, 3 broă lơh bè: bơsong ală kòl yan tàm tu\ bơsong sră nggal hành chính tàm tiah tờm drơng broă hành chính dà lơgar bơh càr dê; lam lơh ală broă lơh rơcang sơndră kòp sốt xuất huyết, broă lơh rơcang tus nam bơsram pa; rơcang sơndră kòp jê ndul gơ jroh sur châu Phi…

Cau mblàng K’Duẩn