VOV4.K’ho – Bơta trồ prang soat dà gam gơlik geh tàm kơnhoàl M’Drak, tàm tiah đah mat tơngai lik bơh càr Dak Lak dê, lơh rlau 1 rbô lồ chi tam gơtìp chơt jơh, rlau 1 rbô hìu bơnhă làng bol ờ tơl dà ngui sa uă ngan. Trồ tiah lơh aniai tàm càr gam ai go\ bơta ờ gơtùi git lài rlau mờ tu\ lơi jơh tài ală kơnhoàl Buôn Đôn, Ea Sup tàm tiah đah mat tơngai lik, Krông Ana tàm tiah đah jum, gam lơh ngan nàng bơsong jơnau gơ lời wơl bơh dà ko\ dà cò lơh aniai.

Tơnau bơtơt rbòng dà Ea Pal tàm kơnhoàl M’Drak neh soat jơh bơh tàm uă ngai do. Jat bơceh lơh, tơnau do geh bơta pràn dơng rlau 410 rbô khối dà, ai dà [làng sre lơh kòi 2 kàl ơnàng 80 lồ tàm xã Krông Jing mờ thị trấn M’Drak in, mơya tu\ do, 90% tơngau neh gơtìp tơdàng, mìng gam jơngkah wơl 2, 3 bă dà dềt lơm. Ồng Phạm Văn Hoá, ơm tàm thị trấn M’Drak pà git, bulah 1,2 lồ kòi hìu bơnhă ồng dê ơm rềp tơnau dơng dà Ea Pal, mơya hìu bơnhă kung ờ jòi geh dà nàng [ồm lo\ sre in:

“Tu\ do, tơnau dà do ờ gam dà tai, soat jơh dà tơn. Dà tàm tơnau den soat jơh, den tàng lo\ sre hìu bơnhă a` dê ờ jai kis, pơgap 10 ngai tai mờ ờ geh mìu là chơt ro jơh tơn. Bă sre do pah nam tơnhàu geh bơh 6 tus 7 tấn kòi, mờ khà priă tac 50 den pal roh tus 35 tơlak priă”.

Bal mờ hoàc huơr tàm broă lơh sa suơn sre, trồ prang dờng soat dà tàm kơnhoàl M’Drak gam lơh bơta ờ tơl dà ngui sa gơlik geh tàm làm bă tiah. Mò Phan Thị Thành, ơm tàm thôn 11, xã Cư M’ta pà git, mờr 3 nhai do hìu bơnhă mò pal blơi dà ơn tàm khàr nàng ngui:

“Hìu bơnhă a` ngui dùl ngai ai broă tru\ gơm phan sa, `ô sa mờr 2, 3 jơt lít dà, mơya trồ prang soat dà den ờ geh dà ngui pal blơi dà nàng drơng jơnau kờ` ngui sa. Dùl ngai jơh hìu bơnhă ngui 2 khàr den blơi 20 rbô. Trồ prang duh soat dà bè do ờ git jòi dà tềng lơi. Hìu bơnhă a` gam rơcang khoàng tơrlung dà, mờ khoàng den pal jơh bơh 30 tus 40 tơlak, tàm tu\ hìu bơnhă ờ geh priă den pal lòt leng càn”.

Jat ồng Nguyễn Thế Thập, Kuang atbồ Phòng Nông nghiệp mờ Phát triển Nông thôn kơnhoàl M’Drak pà git, jơh ală tơnau bơ tơt rbòng dà tàm kơnhoàl neh soat jơh tơn. Mờr 500 lồ kòi neh gơtìp chơt ro, pơgap bơh 650 tus 700 lồ mờr sang gời jơh tơn; git nđờ rhiang lồ chi tam lơyah ngai ală bơta bè: tơ ngời, khoah rơbài gơtìp pơhìn; rlau 1 rbô hìu bơnhă làng bol tàm ală xã Krông Jing, Cư Kroá, Cư Prao, Cư M’ta, Ea Pil mờ thị trấn M’Drak gơtìp ờ tơl dà ngui sa uă ngan. Ồng Thập pà git, broă dong chi tam gơtìp ờ tơl dà tàm kơnhoàl tu\ do mìng gơtùi kơp tàm trồ mìu. Ai broă lơh niam wơl rbòng dà, mìng gơtùi ngui tàm ală kàl lơh sa mờr tus:

“Bol a` geh tơr gùm lơh niam wơl ală bơ tơt rbòng dà nàng pleh hoàc huơr dà. Bè jo\ jòng, geh crơng gơs rơndap broă, dan gùng dà broă lơh bơh UBND càr dê nàng dan mpồl bơtiàn tă pơ gồp, tuah wàs rbòng dà nàng tơnguh bơta pràn dơng dà bơh ală tơnau dơng dà dê nàng tơmù [à bơta soat dà bè tu\ do tàm kơnhoàl M’Drak. Dong kờl sơntìl nàng làng bol in bơcri wơl lơh sa, tam gơl mhar tus kàl mrềt prang 2019 – 2020, mơkung mblàng yal làng bol in git tam gơl chi tam tàm broă lơh sa suơn sre”.

Cau mblàng K’Duẩn