VOV4.K’ho- Ồng Nguyễn Xuân Phúc Thủ tướng Chính phủ tus bal Dơ\ mu\t lơh broă Bơnàng jă dong kờl bơto pơlam kham sơm kòp bơh ngài mờ ngui Bluezone sền gàr mpồl bơtiàn, rcăng sơndră kòp Covid-19.

Thủ tướng đơs niam ngan ngui Bluezone, di tu\ ai làng bol in dùl phan ngui tai sền gàr pràn kơldang să jan, sền gàr mpồl bơtiàn. Do kung là gùng dà mờ ală lơgar jak chài tàm dunia lơh jăt.

Thủ tướng sồr Bộ Thông tin mờ Truyền thông bal mờ Bộ Y tế pơgồp bal lơh mhar tam gơl sồ tàm gah lơh sơnơm, bơ\t bơtàu mờ rơhời crơng gơs ală anih sền gàr pràn kơldang să jan mờ rcăng sơndră kòp, ngui măy mok sồ tơl làm tàm ală anih kham sơm kòp; bơtàu tơnguh ală bơnàng jă măy mok tàm gah lơh sơnơm bè bơnàng jă bơto pơlam kham sơm kòp bơh ngài, bơnàng jă ătbồ lơh sơnơm ngăc ngar.

Crơng gơs anih sră nggal khà sồ dà lơgar bè lơh sơnơm, pơgồp bal lơh gơs tơngume kơrnoat boh lam, jơnau sồr tơl khà, jơnau sồr tơl khà măy mok, lơh gơlik bơta [ươn ai tam gơl sồ tàm gah lơh sơnơm in.

Cau mblàng Lơ Mu K’Yến