VOV4.K’ho - Văn phòng rcang sơn dră trồ tiah lơh aniai mờ jòi dong kờl rềs àr càr Dak Lak pà g^t, tài mìu dờng bơh mang ngai 6 nhai 8 mờ jo\ jòng tus ngai do neh lơh g^t nđờ rơhiang nơm hìu, phan tam lơyah tơngai bơh làng bol dê gơtìp ngơr băm, uă ngan là tàm 2 kơnhoàl Ea Súp mờ Buôn Đôn.

                                     Uă gơl gùng tàm kơnhoàl Ea Súp gơtìp gơbam dà

Tàm Ea Súp, dà ko\ dà cò neh gơlik geh tàm ală xã Cư  Kbang, Cư Mlan, Ia Lốp. Tu\ do ờ hềt geh jơnau yal hoàc huơr bè kòn bơnus, mơya rlau 200 nơm hìu làng bol dê neh gơtìp ngơr băm tàm dà. Uă phan bơna, phan ngui tàm rài kis pah ngan bơh ală hìu bơnhă dê gơtìp dà pơr dô mờ gơkrăm tàm dà. G^t nđờ rơhiang lồ phan tam lơyah tơngai, phan tam, tơnau ròng ka gơtìp ngơr băm jơh, uă gơl gùng gơtìp tam cah is tài dà ko\ dà cò. Gùng sồ 1 tàm tơrbo\ mờ [òn dờng Buôn Ma Thuột mờ tiah tàm gul kơnhoàl Ea Súp uă tiah gơtìp ngơr dà jrô.

Cau ling sền gàr tiah nhàr dà lơgar càr Dak Lak ntrờn phan bal mờ làng bol tus tàm tiah niam ờ do ờ dă

Tàm kơnhoàl Buôn Đôn, ală xã gơtìp aniai là Ea Hoa, Ea Wen, Krông Na. Tu\ do, mpồl lơh broă geh gơnoar bơh ală tiah dê gam tơrgùm ntrờ` làng bol mờ phan bơna, phan ròng tus tiah niam ờ do ờ dă. Anih lơh broă sền g^t lài trồ tiah dà ia Dak Lak yal lài, mìu càl gam pơn jat gơlik geh jal ke tàm bàr pe ngai tus, khà mìu gơlik geh 100 mm.

Tàm càr Dak Nông, mìu sơr tàm 2 ngai do neh lơh gơbam di pơgăp 1 rơbô lồ phan tam mờ rơ[ao 60 nơm hìu.

Tàm ală xã Cư Knia mờ Ea Pô kơnhoàl Cư\ Jút, geh 40 nơm hìu mờ 700 lồ phan tam gơtìp gơbam dà. Tàm kơnhoàl Dak Rlấp, 20 hìu làng bol mờ 400 lồ kơphe, tiêu kung gơbam tàm dà.

              Mìu dờng lơh aniai g^t nđờ rơhiang lồ phan tam tàm càr Dak Nông

Tàm kơnhoàl Tuy Đức, dà tàm ală dà dờng, croh dà gam gơguh tih mhar, di gơlan gơtìp dà cò uă. Uă phan làng bol bal mờ phan ròng gơtìp dà pơrdô, ală gơl gùng lòt tus tàm ală [òn, xã gơtìp kòl.

Ală tiah neh ai mpồl kuang bàng sền gròi tàm ală tiah gơbàn uă, ờ ai làng bol lòt rê tàm dơ\ dà tih, rơcang ntrờn làng bol mờ phan tàm tiah di gơlan gơbàn dà cò, tơrlah ù tus tàm tiah niam.

Cau mblàng K’ Hạnh mờ Ndong Brawl