VOV4.K’ho- Ngai òr 31/7, Ủy ban Mặt trận dà lơgar Việt Nam càr Dăk Lăk bơyai lơh geh cồng nha Pơrjum dờng dơ\ 14 tơngai lơh broă bơh nam 2019- 2024. Pơrjum dờng neh pồ mò H’Kim Hoa Byă, Ủy viên Ban thường vụ, Kuang atbồ Ban dân vận Tỉnh ủy Dăk Lăk lơh Chủ tịch Ủy ban Mặt trận dà lơgar Việt Nam càr Dăk Lăk.

                        Pơrjum dờng dơ\ 14 tơngai lơh broă bơh nam 2019- 2024

Pơrjum dờng đơs, 5 nam do, mặt trận ală kấp tàm Dăk Lăk neh hòi jà làng bol dong kờl tă pơgồp rlau 390 tơmàn, pà rlau 45 lồ ù mờ gi\t nđờ rhiang rbô ngai lơh broă nàng lơh gùng lòt, bơ\t bơtàu ală phan bơna kuơmàng…pơgồp bơnah lơh tam gơl muh mat [òn lơgar ai 43 xã lơh geh tơl khà [òn lơgar pa. Mặt trận ală kấp tàm càr kung hòi jà tă pơgồp geh rlau 88 tơmàn tơmu\t tàm kes priă “Tài cau r[ah”, pơgồp bơnah tơrmù khà hìu r[ah tus lồi nam 2018 bơh Dăk Lăk dê gam 12,8%.

Mò H’Kim Hoa Byă lơh Chủ tịch Ủy ban Mặt trận dà lơgar Việt Nam càr Dăk Lăk 

Bal mờ nùs nhơm “Tam klac- lơh tờm- tam gơl pa- dùl nùs bal- bơtàu tơnguh” tơngai lơh broă bơh nam 2019- 2024, Ủy ban Mặt trận dà lơgar Việt Nam càr Dăk Lăk pơn jat tai hòi jà làng bol jơh nùs lơh jat bơ\t bơtàu [òn lơgar pa, tiah drà jak chài bơtàu tơnguh, lơh ngan geh tai 35 xã geh tơl khà [òn lơgar pa…

Cau mblàng Lơ Mu K’Yến