VOV4.K’ho- Mho 29/11, Mpồl kuang bàng bơh Quốc hội dê bơh mò Tòng Thị Phóng Phó Chủ tịch thường trực Quốc hội lam bồ neh geh dơ\ lơh broă mờ Ban Thường vụ Tỉnh ủy Dăk Lăk.

Phó Chủ tịch thường trực Quốc hội mò Tòng Thị Phóng đơs tàm dơ\ lơh broă

Dăk Lăk là tiah tờm bơh tiah Tây Nguyên dê, tu\ do geh rlau 1 tơlak 800 rbô nă làng bol bal mờ 49 jơi bơtiàn kòn cau ơm kis bal, tàm hơ\ cau kòn cau geh tus 35,6%, broă Quốc hội sac rwah Dăk Lăk là càr bơh sơnrờp nàng lơh rơndăp broă lơh bal bơtàu tơnguh lơh sa- mpồl bơtiàn tiah làng bol kòn cau mờ tiah kơh bơnơm tơngai bơh nam 2021- 2030 bal mờ bơta đơs nền Đảng bộ, Gơnoar ătbồ mờ làng bol ală kòn cau càr Dăk Lăk lơh gơtùi den ală tiah ndai ngan ngồn geh lơh gơtùi sơl.

Nàng rơndăp broă lơh gờ` geh mu\t tàm rài kis, Phó Chủ tịch thường trực Quốc hội mò Tòng Thị Phóng sồr Ban Thường vụ Tỉnh ủy Dăk Lăk pơn jăt tai đơng lam, sồr ală tiah hòi jà tơrgùm jơh ală bơta pràn tàm dơlam mờ bơdìh càr, drơng ai bơtàu tơnguh lơh sa in; lơh pràn tam gơl lơh sa jăt gùng dà lơh sa pa mờ măy mok, tam gơl pa dà lơgar; bơ\t bơtàu [òn lơgar pa, lơh ngan lơh geh cồng nha tơl làm kơnòl broă bơtàu tơnguh lơh sa- mpồl bơtiàn bơh càr dê.

Cau mblàng Lơ Mu K’Yến