VOV4.K’ho – Drim òr (09/7), tàm Hà Nội, Mpồl cau jơngo mat Việt Nam bơyai lơh Pơrjum tơn jơh 30 nam lơh jat Chỉ thị sồ 51 bơh Ban Bí thư Đảng dà lơgar khoá 6 dê bè broă dong kờl Mpồl cau jơngo mat Việt Nam.

Mò Trương Thị Mai, Ủy viên Bộ Chính trị, Bí thư Đảng dà lơgar, Kuang atbồ Ban Dân vận dà lơgar neh tus bal pơrjum. Đơs tàm do, mò Trương Thị Mai sồr: Mặt trận dà lơgar Việt Nam mờ ală mpồl lơh broă chính trị - mpồl bơtiàn pơn jờng, hòi jà, lam sồr bơta tă pơgồp bơh mpồl bơtìan nàng pơgồp bơnah bal mờ dà lơgar dong kờl, sền gròi, dong kờl cau jơngo mat, cau kuet kơlte tơn jơh jơgloh tơmù r[ah, tam gơl mờ tơnguh niam rài kis, kis gơ rờm bal mờ mpồl bơtiàn; sồr mpồl pơn jat tai bơt bơtàu, lơh gơs mờ bơtàu tơnguh mpồl; sền gròi, ala mat, sền gàr gơnoar, bơta kuơ ngan ngồn bơh cau tàm mpồl dê; tus bal geh cồng nha tàm ală broă lơh, rơndap broă bơh cau kuet kơlte dê; tơnguh gơnoar broă gròi sền, cribơyai gơwèt mờ ală chính sách bè cau kuet kơlte.

Cau mblàng K’Duẩn