VOV4.K’ho – Tơngai bơh nam 2016 – 2019, bơh ală broă lơh, rơndap broă lơh bơh dà lơgar dê, kơnhoàl Ia H’Drai (Kon Tum) neh dờp mờ bơcri priă mờr 20 tơmàn dong kờl rlau 5 rơbô hìu bơnhă r[ah, hìu bơnhă ndrờm bè r[ah, hìu bơnhă pa lik klàs r[ah in bơtàu tơnguh lơh sa, tàm hơ\ uă ngan là hìu bơnhă làng bol kòn cau. Bă ù tam tờm chi jo\ sơnam bè kơphê, bơlời, tiêu, tiah làng bol kòn cau ngai sơlơ geh rề ơnàng. Kơnhoàl sền gròi bơto bơtê broă lơh, tơnguh bơta chài lơh sa ai hìu bơnhă làng bol kòn cau in.

Bơh nam 2016-2018, kơnhoàl neh bơto broă lơh lơyah tơngai ai mờr 150 nă cau lơh broă, yal tơng^t ai mờr 120 nă cau lơh broă  in geh broă lơh kơ\ kơl jap tàm ală công ty; mpồl lơh sa kă bro tàm kơnhoàl mờ bơdìh kơnhoàl. Kơnhoàl kung neh dong kờl ai làng bol in càn priă bơtàu tơnguh lơh sa mờ ròng phan.

Jat Ngân hàng Chính sách càr Kon Tum yal, kơnhoàl Ia H’Drai là kơnhoàl geh priă dồs gam ờ hềt tơm dùl ết ngan rlau jơh mờ geh ală mpồl ai càn priă lơh jat cồng nha niam ngan rlau jơh tàm càr.

Cau mblàng K’ Hạnh