VOV4.K’ho - Pơrjum dơ\ 25 Mpồl duh broă đơng lam ASEAN neh bơyai lơh pờ tơl^k tơn tàm internet mờ broă tus bal bơh Bộ trưởng Ngoại giao ală lơgar tàm mpồl ASEAN.

Phó Thủ tướng, Bộ trưởng Ngoại giao ồng Phạm Bình Minh, Chủ tịch mpồl đơng lam ASEAN neh đơng lam pơrjum.

Đơs tàm pơrjum, ală jơnau đơs là, rơlao tu\ lơi jơh mpồl ASEAN pal tơnguh nùs nhơm pơgồp bal, rơcang gơdờp bal kờ` sền gròi, kơrian geh cồng nha mờ tơmù ờ uă ngan bơta gơrềng ờ niam bơh kòp Covid-19.

Tàm nùs nhơm hơ\, ală Bộ trưởng Bộ Ngoại giao mpồl ASEAN neh ring bal yal mờ kuang bàng đơng lam dờng màng ală broă lơh kờ` rơcang broă lơh bal tàm dơlam mờ bơdìh mpồl ASEAN tàm broă rơcang sơndră mờ kòp Covid-19.

Ală broă do tơrgùm tàm 3 broă lơh, tàm hơ\ geh: sền gròi, kơrian kòp gơtòp; dong kờl làng bol ală lơgar tàm mpồl ASEAN gơtìp aniai bơh kòp gơtòp, tàm hơ\ geh broă dong kờl ai làng bol tàm mpồl ASEAN in ơm kis, lơh broă, bơsram sră tàm ală lơgar tàm mpồl mờ lơgar dơ\ pe; tơmù ờ uă ngan ală broă gơrềng bal tus mờ broă lơh sa mpồl bơtiàn bơh kòp gơtòp dê.

Cau mblàng Ndong Brawl