VOV4.K’ho - Drim òr (23/4), Phó Thủ tướng, Bộ trưởng Ngoại giao ồng Phạm Bình Minh, tàm gơnoar broă Chủ tịch mpồl ASEAN 2020, neh bal mờ ală Ngoại trưởng ală lơgar tàm mpồl ASEAN mờ Ngoại trưởng lơgar Mỹ ồng Mike Pơmpeo tus pơrjum pờ tơl^k tơn tàm internet mờ ală Bộ trưởng Ngoại giao mpồl ASEAN mờ lơgar Mỹ bè kòp Covid-19.

Cri bơyai bè bơta kòp, ală Bộ trưởng Ngoại giao mpồl ASEAN mờ lơgar Mỹ tam pà bal bơta ờ su\k tềng đăp broă kòp Covid-19 gơbàn kal ke mờ gơtòp mhar; mờ yal bè broă mờng chài sơndră mờ kòp bơh ală lơgar bal mờ tiah do dê.

Tàm tơngu me hơ\, ală lơgar cri bơyai, ring bal uă gùng dà broă lơh bal mờ broă sền gròi kơrian kòp Covid-19, đơs tòm tus mờ broă tu\ lơi kung geh lơh broă bal nền nòn, dong kờl bal tàm uă broă tàm tiah do mờ tàm dunia ndai.

Mpồl ASEAN đơs niam lơgar Mỹ dong kờl rơlao 35 tơlăk 300 rơbô dolar Mỹ ai mpồl ASEAN in tàm broă rơcang sơndră mờ kòp Covid-19 mờ dan lơgar Mỹ tus bal dong kờl ală broă bơceh bơh mpồl ASEAN bè lơh kes priă rơcang sơndră mờ kòp Covid-19 mờ anih prăp phan lơh sơnơm tàm ală bơta jal mhar.

Cau mblàng Ndong Brawl