VOV4.K’ho – Drim ngai 03/3, Ủy ban Mặt trận dà lơgar Việt Nam pa geh sră nggal pơyua kuang đơng lam bồ ală mpồl cau jat yàng bè broă pơn jat tai tus bal rơcang sơndră kòp as sồt gùng tă nhơm kơn jơ\ Covid-19.

Tơngume sră nggal đơs loh: Ủy ban Mặt trận dà lơgar Việt Nam sồr ală Mpồl jat yàng, mpồl cau duh broă yàng gơ wèt mpồl jat yàng pơn jat tai pơgồp bal mờ ală anih lơh broă, mpồl, gah broă lơh, ală mpồl bal chồl pràn ală broă lơh tus bal rơcang sơndră kòp as sồt gùng tă nhơm kơn jơ\ Covid-19.

Tàm hơ\, sơlơ tơnguh ală broă dipal nàng yal tơnggit, mblàng yal tus ală cau kơ đơng yàng, cau duh broă yàng, cau jat yàng mờ ală rơnàng làng bol tàm mpồl bơtìan nàng tơl nă cau in git loh bơta ngòt rơngơt, ală bơta aniai kơn jơ\ ngan bơh kòp bơ tờp dê; tơnguh niam gơ noar broă bơh ală anih kham, sơm kòp bơh mpồl jat yàng dê tàm ală broă lơh rơcang sơndră kòp bơ tờp; hòi jà bơta dong kờl bơh cau jat yàng tus bal dong kờl mpồl bơtìan, làng bol bè ală ma\i mok, phan ngui lơh sơnơm nàng rơcang sơndră kòp bơ tờp.

Cau mblàng K’Duẩn