VOV4.K’ho- Tềng đap ală hoàc hươr tài bơh mìu dà tih lơh aniai tàm ală càr Tây Nguyên mờ tiah ring đah jum dà lơgar tàm ală ngai do, Mpồl Chữ thập đỏ dà lơgar Việt Nam neh crơng gơs ală mpồl dong kờl mhar mờ kờp sền hoàc huơr. 

                               Mpồl dong kờl jàu phan dong kờl tàm Lâm Đồng

Bơh sơnrờp, Mpồl dong kờl ală càr Tây Nguyên mờ tiah ring đah jum dà lơgar kờp jơh mờr 600 tơlak.

Mpồl dong kờl bơh Mpồl Chữ thập đỏ dà lơgar Việt Nam neh lòt còp, jàu priă mờ phan dong kờl ai làng bol gơtìp hoàc hươr tài bơh mìu dà tih lơh aniai tàm ală càr: Đồng Nai, Lâm Đồng, Dak Lak mờ Dak Nông.

Tàm kơnhoàl Ea Súp, càr Dak Lak, mpồl neh pà 100 thùng phan ai 100 hìu bơnhă tàm xã Ia Lốp mờ Ia R’vê in; 100 bơnah priă bal mờ kờp jơh priă dong kờl là 115 tơlak.

 Cau mblàng Lơ Mu K’Yến