VOV4.K’ho – Drim òr 25/9, Mpồl lơh broă bơh Mpồl đơng lam dà lơgar bè rơcang sơndră sa kuề sa kùa dê bơh Đại tướng Tô Lâm, Bộ trưởng Bộ Kuang àng lơh Kuang atbồ mpồl neh geh dơ\ lơh broă mờ Ban Thường vụ Tỉnh ủy Kon Tum. Tàm dơ\ lơh broă, Mpồl neh yal broă lơh sền sơ wì, chul chồl broă lơh rơcang sơndră sa kuề sa kùa tàm càr mờ ring bal tơngai lơh broă bơh mpồl dê mờ ală anih lơh broă, mpồl lơh broă, ală tiah bơh càr Kon Tum dê.

Đơs pơn dut dơ\ lơh broă, Đại tướng Tô Lâm cih dờp mờ đơs niam ală cồng nha lơh geh bơh càr Kon Tum dê tàm broă rơcang sơndră sa kuề sa kùa. Ban Thường vụ Tỉnh ủy Kon Tum neh rơcang lài tơngume lơh broă jơh nùs, geh bơta niam, di mờ jơnau sồr bơh mpồl dê. Đại tướng Tô Lâm sồr ală anih lơh broă, mpồl lơh broă càr Kon Tum dê pơn jat tai rơcang wil tơl tơngume mờ pơ gồp bal jơh nùs mờ mpồl dong broă bơh Mpồl dê tàm tu\ lơh kơ nòl broă tàm càr.

Cau mblàng K’Duẩn