VOV4.K’ho- Mpồl Kuang bàng ala măt Đảng Cộng sản lơgar Việt Nam bơh ồng Nguyễn Xuân Thắng, Bí thư Đảng dà lơgar, Kuang ătbồ Học viện Chính trị dà lơgar Hồ Chí Minh, Kuang ătbồ Mpồl duh broă cribơyai jơnau cih tàm sră nggal dà lơgar lơh kuang ătbồ mpồl neh lòt còp lơgar Nhờk mờ tus bal cribơyai jơnau cih tàm sră nggal dơ\ 9 đah Đảng he mờ Đảng Cộng sản lơgar Nhờk.

Tàm dơ\ cribơyai jơnau cih tàm sră nggal, Chủ tịch Mpồl Chủ tịch Mpồl đơng lam Đảng Cộng sản lơgar Nhờk ồng Shii Kazuo neh wa\ rò mờ cribơyai jơnau đơs mờ ồng Nguyễn Xuân Thắng. Bàr gah dùl nùs bal pơn jăt tai lam lơh jăt jơh nùs jơnau ring bal đah kuang đơng lam bồ kấp dờng màng 2 Đảng dê bè sơlơ lơh broă bal.

Ồng Shii Kazuo đơs nền, gi\t gơ\p lơh bơyô bal mờ Đảng Cộng sản Việt Nam là bơta gi\t gơ\p kuơmàng ngan rlau jơh tàm bơta gi\t gơ\p lơh broă mờ lơgar ndai bơh Đảng Cộng sản lơgar Nhờk dê. Đảng Cộng sản lơgar Nhờk tơngo\ bơta kờ` bal mờ nùs nhơm bơh Việt Nam dê bè bơsong ală tam pìt tam phà tàm dà lềng đah măt tơngai lik bơh broă lơh ring lơngai, jăt tàm adat boh lam dunia, tàm hơ\ geh Công ước Liên hợp quốc bè Adat dà lềng nam 1982, gàr niam ờdo ờdă mờ khăt gơboh lòt rê tàm gùng dà lềng, gùng rơndeh par tàm kơnhoàl ù tiah do.

Cau mblàng Lơ Mu K’Yến