VOV4.K’ho- Tơnơ\ mờ tu\ geh jơnau yal bơh sră báo dê bè jơnau mus kơl brê tìs mờ kơrnoat boh lam bal mờ bă brê gơtìp mus kơl gơbàn uă tàm càr Kon Tum, Mpồl kuang bàng bơh Bộ Nông nghiệp mờ Phát triển Nông thôn neh geh dơ\ lơh broă mờ UBND càr Kon Tum bè broă lơh ătbồ, sền gàr brê bơh càr dê.

Thứ trưởng duh broă sùm Bộ Nông nghiệp mờ Phát triển Nông thôn là ồng Hà Công Tuấn sồr gơnoar ătbồ càr Kon Tum sồr mpồl kảnh sát gùng lòt, lùp sền gùng lòt bơsong krà` ală rơndeh rơndồ măy mok lơh độ is, tơnguh tai mpồl cau lòt wàng se kơryan, ku\p kơryan 29 anih pơneh ir lơh tìs broă lơh ătbồ sền gàr brê mờ ătbồ dơm chi brê; ătbồ krà`, kơ\ kơl jăp ală anih kă bro, lơh gơlik dơm chi brê.

Gơ wèt mờ ală dơ\ lơh tìs gơrềng tus broă lơh aniai brê, lơh tìs ală jơnau sồr bè tơnhàu, sền gàr brê pal mhar ai tơlik cah r`a, ờ ndơ\p mpồn, krà` cê nàng pơhìn. Bộ Nông nghiệp mờ Phát triển Nông thôn tu\ lơi kung rcăng dong kờl càr Kon Tum kuang bàng lơh broă mờng chài nàng pơgồp bal lùp khàu, bơsong broă mờ sră báo neh yal mờ broă lơh ătbồ, sền gàr brê bơh càr dê.

Cau mblàng Lơ Mu K’Yến