VOV4.K’ho – Drim ngai 11/2, Mpồl kuang bàng Bộ Tài chính bơh Ủy viên Đảng dà lơgar, Bộ trưởng Bộ Tài Chính, ồng Đinh Tiến Dũng lơh kuang atbồ mpồl neh geh dơ\ lơh broă mờ càr Dak Lak bè broă lam lơh jat kơ nòl pria\ jền – kes pria\ dà lơgar nam 2019 mờ lam lơh kơnòl broă nam 2020; broă lơh rơcang sơndră kă bro phan pồn tă dia, blac pơr lồm kă bro mờ phan ờ ngan tàm càr.

Tềng đap gơlik geh kal ke mờ ngòt rơngơt bơh kòp nCoV dê, Cục atbồ drà kă bro càr neh sơlơ tơnguh broă atbồ, pơgồp bal mờ ală sở, gah broă lơh lòt sền broă lir khà pria\ tac mờ tac di khà pria\ neh lir gơ wèt mờ phan lơh sơnơm, phan sền gàr să jan; lòt sền 260 anih, bơh hơ\ lơh glài 22 broă lơh tìs mờ khà pria\ lơh glài 149 tơlak đông, kup ai sră lơh broă gơ wèt tus mờ 1 anih tac sơnơm.

Tàm dơ\ lơh broă, Bộ trưởng Bộ Tài chính, ồng Đinh Tiến Dũng sồr tơngai tus, Dak Lak pal tơr gùm tàm ală gah broă lơh kươmàng nàng gơ hòi gơ jà ală mpồl lơh sa kă bro tàm lơgar mờ lơgar ndai bơcri pria\, pơgồp bơnah tơnguh khà ai pria\ dia.

Cau mblàng K’Duẩn