VOV4.K’ho- Di dơ\ sa tềp bơhiàn Canh Tý 2020, Mpồl kuang bàng bơh kuang đơng lam bồ càr Dăk Nông dê neh lòt còp, pà phan, nting săp chờ gờm sa tềp Pôs đồng ling sền gàr tiah nhàr lơgar Mpồng nhàr lơgar Bu Prăng, Pôs đồng ling sền gàr tiah nhàr lơgar Bu Cháp, Anih gròi sền tiah nhàr lơgar Mpồng nhàr lơgar Bu Prăng, Chi cục Hải quan Mpồng nhàr lơgar Bu Prăng mờ bàr pe nă cau kra ơm kis is dùl nă să ờ geh anih kơldìng, làng bol kòn cau geh rài kis kal ke uă ir tàm ù tiah kơnhoàl Tuy Đức.

Mpồl kuang bàng lòt còp neh jờng rơ kung bè nting săp kơ\p kờ` kuang bàng, cau ling wa\ rò dùl sơnam pa bềng bơta pràn kơldang, lơh gơs niam kơnòl broă mờ Đảng, Dà lơgar bal mờ làng bol dê jàu. Mpồl Kuang bàng kung neh lòt còp, pà phan, nting săp kơ\p kờ` ală hìu bơnhă kal ke là ồng Điểu Ng’Lơi mờ mò Thị Lê ơm tàm xã Quảng Tân wa\ rò dùl sơnam pa sa tềp hờm ram, chờ hờp mờ lơh ngan pơđơl pràn tàm rài kis.

Cau mblàng Lơ Mu K’Yến