VOV4.K’ho- Dờp jơnau jà bơh Đảng dà lơgar he dê, Mpồl kuang bàng dờng màng ala mat Đảng Cộng sản lơgar Tây dê bơh Bí thư Gùt lơgar ồng Fabien Roussel lam bồ neh lòt còp mờ lơh broă tàm Việt Nam. Mho òr (21/7), tàm Hìu duh broă Đảng Dà lơgar dê, ồng Phạm Minh Chính, Ủy viên Bộ Chính trị, Bí thư Đảng dà lơgar neh wa\ rò mpồl kuang bàng do.

Tơlik nùs nhơm jờng rơ mờ đơs niam ngan dơ\ lòt còp lơgar ndai bơh sơnrờp bơh ồng Fabien Roussel dê tàm gơnoar broă Bí thư gùt lơgar Đảng Cộng sản lơgar Tây dê, ồng Phạm Minh Chính đơs sùm: Đảng Cộng sản lơgar Việt Nam sùm sền dờng màng lơh kơ\ kơl jăp bơta gi\t gơ\p bơh yau niam bơne\ mờ Đảng Cộng sản lơgar Tây; sồr 2 gah pơgồp bal lơh jat ală broă lơh bal ngan ngồn, loh làng đah bàr Đảng, bàr dà lơgar mờ làng bol 2 lơgar dê.

Ồng Fabien Roussel pà gi\t, Đảng Cộng sản lơgar Tây hơ pơrgon geh pơn jat tai tă pơgồp tàm broă tơnguh bơta gi\t gơ\p lơh bơyô bal mờ lơh broă bal niam bơne\ đah 2 Đảng, 2 Dà lơgar mờ làng bol 2 lơgar tàm tơngai tus, tài bơta kuơ bơh làng bol 2 lơgar dê, tài bơta ring lơngai, kơ\ kơl jăp, lơh broă bal mờ bơtàu tơnguh.

Cau mblàng Lơ Mu K’Yến