VOV4.K’ho – Drim ngai 10/3, Bộ trưởng Bộ Nông nghiệp mờ Phát triển Nông thôn, ồng Nguyễn Xuân Cường lam bồ mpồl kuang bàng bơh Bộ do dê neh lòt sền broă lơh rơcang sơndră kòp bơ tờp tàm phan ròng mờ ròng wơl sur tàm 2, 3 anih ròng phan tàm càr Phú Thọ.

Phú Thọ tu\ do là càr geh mpồl sur ơm dơ\ 2 tàm tiah kơh bơnơm đah tô dà lơgar mờ ơm dơ\ 8 pơn drờm mờ gùt lơgar, bal mờ 30 trang trại ròng sur dờng ngan, bơh 700 tus 1 rbô nơm mờ rlau 3 rbô 500 trang trại hìu bơnhă ròng sur.

Nàng tam gơl mpồl phan ròng geh cồng nha mờ ờdo ờdă tàm tu\ tơngai broă ròng sur tàm càr gơtìp ua\ kal ke tài kòp jê ndul gơ jroh sur châu Phi lơh aniai, ală tiah pal dờp git phan ròng tờm jat rơndap tap sèng geh sền gròi lài bè: iar, kơn rồ, rơpu mờ ală bơta phan ròng mờng quèng bè iar ua\ jơrmang, be, ơda, rơpài… Bal mờ hơ\, pal jòi git loh bè drà kă bro, sền gròi tus ròng phan ờ do ờ dă sinh học, rơcang sơndră kòp bơ tờp, kuơmàng là pleh tam gơl phan ròng dùl bă ur ar.

Cau mblàng K’Duẩn