VOV4.K’ho- Mpồl Kuang bàng Quốc hội càr Lâm Đồng geh dơ\ tìp mat mờ cau te\ khà xã Phổ Đức, kơnhoàl Cát Tiên mờ cau te\ khà xã An Nhơn, kơnhoàl Dà Teh. Tàm ală dơ\ tìp măt, Mpồl Kuang bàng Quốc hội càr yal mờ cau te\ khà in cồng nha bơh pơrjum dơ\ 8, Quốc hội khoá 14, broă bơtàu tơnguh lơh sa- mpồl bơtiàn bơh càr Lâm Đồng dê tàm nam 2019, cồng nha lơh broă bơh Mpồl Kuang bàng Quốc hội càr khoá 14 dê tàm pơrjum dơ\ 8, Quốc hội khoá 14.

Tơnơ\ tu\ iăt yal cồng nha pơrjum dơ\ 8, cau te\ khà tàm ală tiah do tơlik nùs nhơm pin dờn, chờ hờp tềng đăp cồng nha lơh geh bơh dơ\ pơrjum dê mờ lơh broă jơh nùs bơh Mpồl Kuang bàng Quốc hội càr khoá 14 dê đơs is tàm dơ\ pơrjum dơ\ 8. Cau te\ khà kung geh bàr pe jơnau dan, jơnau đơs gơrềng tus ală broă bè bơcri priă bơ\t bơtàu, tiah ơm kis, sền gàr dà lơgar- lơngăp lơngai, lơh bơtơ\t rbòng dà…Mpồl Kuang bàng Quốc hội càr neh tơrgùm lơh loh ală broă mờ cau te\ khà sền gròi; mơkung iăt kơno mờ hơ geh mblàng yal lơh loh tềng đăp Quốc hội tàm dơ\ pơrjum tus.

Cau mblàng Lơ Mu K’Yến