VOV4.K’ho-Bal mờ lơh jat niam kơnòl broă geh jàu, ală nam do, ală mpồl ling tàm càr Dăk Nông gam lời uă ngan tu\ jiơ sền gròi tus broă tơnguh tai lơh sa, dong càr jơh bal bè bơtàu tơnguh lơh sa, kơ\ kơl jăp ală anih lơh broă chính trị tàm [òn lơgar, sền gàr tiah ơm kis. Jơh ală broă lơh geh bơta tus bal bơh mpồl ling dê, cồng nha lơh geh ndrờm pơnrơ ngan, pơgồp bơnah lơh kơ\ kơl jăp bơta pin dờn, lơh jrô ơnàng tai nùs nhơm ling klàng mờ làng bol.

Gam tàm tu\ bal mờ gơ\p mpồl bal pès nhơ\t mờ tam pa mờr 20 lồ brê tàm tiah tàp ling gơ wèt xã Đức Xuyên, kơnhoàl Krông Nô, cau ling Ngô Quang Nguyên Văn, Tiểu đội trưởng Tiểu đội 3, Tiều đoàn 301 yal: tàm rài kah yau bơh mpồl ling klàng làng bol Việt Nam, brê gam geh kuơ jơm ndơ\p mpồl ling mơkung wàng se kơryan cau ling sò tơm. Tàm tu\ tơngai pa, brê geh bơta kuơ màng ngan tàm broă sền gàr tiah ơm kis [òn lơgar, lơh gơs ù tiah krơi is tàm tu\ bơta pơlam tàp, tàp ling bơh mpồl ling dê. Den tàng bè hơ\, tu\ geh jàu kơnòl lòt tam brê, ală cau ling ndrờm lơh jat is mờ jơh nùs ngan:

Là ling geh grăt sùm gi\t wa\ geh broă tam brê, kuơmàng ngan pơgồp bơnah sền gàr bồ tô dà, tiah ơm kis, tiah kis [òn lơgar, den tàng bè hơ\ a` sùm geh jơnau gi\t wa\ geh broă tam brê. A` mờ ală cau ling tàm do sùm iang nùs nhơm bồ tơngoh, gi\t loh kơnòl broă, sùm lơh ngan lơh gơs niam kơnòl broă geh jàu.

Ală ngai sơnrờp sơnđờm mu\t tam brê, mpồl ling tìp ờ dùl êt kal ke. Ù tiah Đức Xuyên dà mìu dùl êt, tơngai duh jo\ jòng, ù tiah klàr ờ nđiơm gơs, dòr bơnơm lú lơm, gùng lòt kal ke mờ ngài tai tiah làng bol ơm kis…Mơya ờ dùl nă kuang bàng, cau ling lơi ngòt bòl glar kal ke, lơh ngan lùp bơsram bơta chài tam chi.

Jùt ală dà pơhàl gơhòr tềng muh mat, Đại úy Trần Lệ Mỹ, Chính trị viên Đại đội 10, Tiểu đoàn 301 pà gi\t: Lơh jat broă rơndăp lơh pès nhơ\t chi che hòn lềng mờ tam brê nam 2019, mpồl ling neh  mblàng yal jơh ală kuang bàng, cau ling in bè jơnau git wa\, kơnòl mờ bơta chài tàm broă tam brê. Tơl nă ling geh grăt neh cih sră hơ pơrgon lơh ngan jơh nùs lơh jat kơnòl broă pès nhơ\t chi che hòn lềng mờ tam brê. Tus tu\ do, bal mờ nùs nhơm “sơrlèt tơngai jai mìu”, den tàng bulah tàm tơngai kàl mìu uă, uă ngan sơmack, plờm mơya jơh gùt mpồl ling sùm lơh ngan jơh nùs.

Tơnơ\ mờ tu\ mpồl ling mblàng yal gơ wèt mờ tơl trung đội, tiểu đội cih sră hơ pơrgon lơh ngan jơh nùs tus geh cồng nha kơnòl broă pès nhơ\t chi che hòn lềng mờ tam brê nam 2019. Tàm ală ngai do, mpồl ling neh lam khòm tơrgùm jơh ru\ rơm geh di 20 lồ, tam pa geh 17 lồ nggùl jăt bă ù Phòng Hậu cần, Gah đơng lam mpồl ling dê jàu. Mpồl kuang bàng hạ sĩ quan jơh gùt mpồl ling sùm lơh jat niam adat boh lam iang nùs nhơm iang bồ tơngoh, lơh jat di mờ tơl bơta chài mờ jơnau sồr bơh kấp hơđang dê jàu.

Bal mờ jơnau đơs gi\t di bơta pal jăt, sền dờng màng cồng nha, tam chi lơi, kis chi hơ\, sơrlèt gan ală kal ke bè ù tiah, trồ tiah, kuang bàng mờ cau ling Gah đơng lam ling klàng càr Dăk Nông neh tam geh pơgăp 500 rbô tờm chi tàm bă ù ơnàng rlau 254 lồ, tàm kờp jơh khà 292 lồ ù. Tus tu\ do, sền bal, tiah tàp ling Đức Xuyên neh geh lơh gơs tiah tàp ling “3 tàm 1”. Tàm hơ\, broă tam brê ala, tơnguh chi che geh tàm brê geh sền dờng màng. Đại tá Trần Thiên Cảnh, Phó Chính ủy Gah đơng lam ling klàng càr Dăk Nông đơs nền:

Tàm ală nam do, mpồl ling càr neh tơrgùm bơ\t bơtàu tiah tàp ling 3 tàm 1. Tàm hơ\, rơndăp ù tiah crơng gơs ală tiah tam cah, tàm hơ\ tơrgùm ai broă tam brê lơh geh tiah ơm kis tàm tiah tàp ling nàng drơng ai broă pơlam tàp ling mờ rcăng tam lơh kung bè tàm ală tu\ mpồl ling bal mờ [òn lơgar tàm do tơnguh khà chi che geh tàm brê tàm ù tiah càr dê.

Tu\ do, tàm tiah tàp ling Đức Xuyên, uă cau ờ gơtùi ờ gơlơh nrơ\t ndơl ngan tềng đap ù tiah chi che tơlir niam ngan bơh brê dê. Ờ huan ngan cau lơi mờ gi\t là, lài do jơh dùl kơnhoàl ù tiah do mìng là dòr bơnơm lu\ lơm, ù tiah klàr ờ nđiơm gơs. Ală ntê chi keo sơntìl pa, sao jù ờ mìng cèng wơl dà tơlir pơn jăt tai jơm ndơ\p cau ling mờ gam gơ gơs là dùl bơta pơnrơ ai bồ tơngoh bơh cau ling Wa Hồ dê: kơnòl broă lơi kung lơh gơs, kal ke lơi kung sơrlèt gan. Bơh hơ\ lơh geh tai bơta pin dờn bơh làng bol dê.

Cau mblàng Lơ Mu K’Yến