VOV4.K’ho- Bal mờ lơh gơs jak ngan kơnòl broă pơlam tàp rcăng tam lơh, sền gàr Dà lơgar, ală nam do, ală kuang bàng, cau ling gơ wèt Gah đơng lam Mpồl ling càr Dăk Lăk gam lơh geh cồng nha broă lơh lam sồr làng bol gơ jăt bal mờ sền gàr lơngăp lơngai rài kis mpồl bơtiàn tàm [òn lơgar bơh broă dong kờl làng bol ală broă lơh ròng phan mờ tam phan. Bơh ală broă lơh pà kơnrồ me, be, sơntìl chi tam, phơng tuh gi\t nđờ rhiang hìu bơnhă r[ah mờ hìu bơnhă chính sách tàm càr Dăk Lăk neh lơh ngan klàs bơh r[ah. Bơh hơ\, bơ\t bơtàu kơ\ kơl jăp nùs nhơm rcăng lài sền gàr dà lơgar tàm làng bol, bal mờ gơ\p pơgồp bal sền gàr kơ\ kơl jăp Dà lơgar.

Bồ nam 2015, hìu bơnhă cau ling sồt să 2/4 là ồng Nguyễn Văn Thượng ơm tàm xã Cư Kbang, kơnhoàl Ea Súp geh ala măt Gah đơng lam Mpồl ling càr Dăk Lăk tus pà dùl nơm kơnrồ me kờp priă tus 15 tơlak đong. Bơdìh hơ\ tai, bàr pe ban ngành, mpồl cau tàm kơnhoàl Ea Súp kung dong kờl rlau 5 tơlak đong blơi sơlo, dơm chi nàng lơh wàng ròng, sơntìl nhơ\t tam lơh phan tơn siam kơnrồ in.

Ồng Nguyễn Văn Thượng pà gi\t, ală nam lài, hìu bơnhă ồng gơ wèt hìu bơnhă r[ah ngan rlau jơh bơh xã dê. Să tờm ồng sùm gơtìp kòp tê jê să, hìu bơnhă geh dùl êt ngan ù lơh sa. Rài kis hìu bơnhă geh 6 nă cau dê jơh ală mìng kơ\p kơnờm jơh lơm tàm 3 sàu sre mờ priă geh bơh lòt lơh broă apah cau in bơh pơ ùr ồng dê den tàng sa ngai do ờ tơl ngai hìng gùt nam sùm. Bơh tu\ geh cau ling pà kơnrồ den hìu bơnhă neh lơh ngan ròng siam sền gàr niam nàng kơnrồ in deh kòn rơ\ rài. Tus tu\ do, tơnơ\ mờr 5 nam ròng, kơnrồ neh geh mờr 10 nơm. Tus jơh ngai sa tềp hìu bơnhă mong tăc te\ 4 nơm nàng geh priă lơh hìu pa.

Ồng Nguyễn Văn Thượng, đơs: Lài do hìu bơnhă kal ke ngan. Nam 2015, cau ling tus pà dùl nơm kơnrồ me, hìu bơnhă ròng mờ tơnơ\ hơ\ kơnrồ gơ deh kòn. Bè hơ\ sùm tus tu\ do kơnrồ me deh kòn, kơnrồ kòn kung deh kòn sơl den tàng kơnrồ tu\ do geh tus 8 nơm kơnrồ me mờ 1 nơm kơnrồ dam nàng tơn jă me. Kơnờm geh kơnrồ bơh cau ling dê pà den hơ\ sồng geh bè ngai do. Jơh sa tềp a` mong tăc 2 yô nàng geh tai priă nàng lơh hìu pa nàng ơm, hìu do lơh mờ mpàn gơ neh klar ir, ồm sèt nhhăt dà mìu lơm, bòl ngan. Geh rài kis bè do là kơnờm bơh cau ling lơm gơ dê.

 Ala măt Gah đơng lam mpồl ling càr Dăk Lăk jàu hìu ai cau r[ah tàm càr in

Ndrờm bè hơ\ sơl, hìu bơnhă ồng Y Thân Niê, ơm tàm thị trấn Ea Súp, kơnhoàl Ea Súp kung geh Gah đơng lam Mpồl ling càr Dăk Lăk pà 20 nơm be me tàm bồ nam 2015. Ồng Y Thân Niê pà gi\t, tơnơ\ mờr 5 nam ròng, tus tu\ do, be hìu bơnhă dê neh deh kòn rơ\ rài ngan geh rlau 100 nơm. Priă geh bơh tăc be pah nam ai hìu bơnhă in bơh 90 tus 100 tơlak đong. Kơnờm bơh hơ\ mờ hìu bơnhă neh klàs bơh r[ah.

Ồng Y Thân Niê, chờ hờp yal: Cau ling pà be, ală mpồl cau gam pà tai priă jền nàng lơh wàng ròng, sơntìl chi tam nàng geh nhơ\t siam be in sa. Mờr 5 nam do, ală wa hơ\ sùm tus dong kờl bơta chài ci\t sơnơm rcăng sơndră kòp be in, pơlam broă chài tam tơngời, tam khuah tơlir, tờm pơnăt nàng lơh phan sa ai be in. Tu\ do, priă jền lơh geh pơgăp 100 tơlak đong pah nam den tàng hìu bơnhă neh klàs bơh r[ah sơl. Ưn ngài cau ling uă ngan.    

Ồng Nguyễn Văn Đông, Chủ tịch UBND kơnhoàl Ea Súp pà gi\t, Ea Súp là kơnhoàl tiah nhàr lơgar tiah sar lơgar ngài là kơnhoàl r[ah mờ kal ke ngan rlau jơh bơh càr Dăk Lăk dê. Jơh gùt kơnhoàl dê tu\ do geh 32 rbô nă cau, mờ 28 jơi bơtiàn kòn cau oh mi ơm kis bal. Bulah geh Đảng mờ Dà lơgar sền gròi, bơcri priă jền, mơya tài bơh trồ tiah ờ niam ir, ù tiah ro kơnra` den tàng khà hìu bơnhă r[ah kung gam ơm tàm khà jơnhoa sơl, mờ rlau 45%.

Mơya, nam lài, mpồl phàu crong tàm hơ\ geh Gah đơng lam mpồl ling càr Dăk Lăk neh dong làng bol tàm do uă ngan broă geh kuơ ngan, bè: pà kơnrồ me, be, sơntìl chi tam, phơng tuh, dong kờl bơto pơlam bơta chài ròng phan, tam phan nàng làng bol in bơtàu tơnguh lơh sa. Mờ jơnau đơs “ìa tê sơ`io broă” dùl bă tiah tơn den tàng ală broă lơh ndrờm bơtàu tơnguh niam ngan. Ală hìu bơnhă bè ồng Thượng, Y Thân bal mờ gi\t nđờ rhiang hìu bơnhă kal ke ndai neh lơh geh priă jền brồ guh klàs bơh r[ah.

Ồng Nguyễn Văn Đông yal bè do: Cau ling càr Dăk Lăk neh geh ală broă lơh geh kuơ ngan dong làng bol tiah nhàr lơgar bè pà kơnrồ me, be me deh kòn; bơdìh hơ\ tai den gam dong kờl sơntìl chi tam, bơta chài ală broă lơh tam ală tờm chi sa plai nàng làng bol in lơh sa bơtàu tơnguh rài kis, kơ\ kơl jăp rài kis tàm ù tiah nhàr lơgar bơh Dà lơgar. Nùs nhơm đah ling klàng mờ làng bol ngai sơlơ tam klăc bal niam ngan. Bol a` kơ\p kờ` tơngai tus mpồl ling pơn jăt tai dong kờl làng bol tiah nhàr lơgar bơtàu tơnguh lơh sa, tơn jơh jơgloh tơrmù r[ah ai [òn lơgar.

 Dong làng bol lơh gùng lòt tàm [òn lơgar

Jăt Gah đơng lam Mpồl ling càr Dăk Lăk, lơh jăt broă lơh lam sồr làng bol gơ jăt bal mờ dong kờl sền gàr lơngăp lơngai rài kis mpồl bơtiàn, ală mpồl phàu crong gơ wèt Gah đơng lam mpồl ling càr Dăk Lăk dê neh pơgồp bal mờ ală tiah lơh niam wơl mờ lơh pa rlau 57 kơi sồ gùng lòt tàm [òn lơgar, tuah wàs rbòng dà geh 68 kơi sồ; dong làng bol lơh broă lơh sa bal mờ rlau 3.500 ngai lơh broă, pà 26 pang sră tềm pềr priă jền kờp priă rlau 120 tơlak đong; dong kờl làng bol r[ah rlau 130 nơm rơpu, kơnrồ me, 800 nơm be me mờ uă iar ada, sơntìl chi tam, phan ròng kờp priă rlau 1 tơmàn 500 tơlak đong; dong kờl 120 tấn phe pà cau r[ah in; lơh pà 15 nơm hìu bơta nđàc, 5 nơm hìu cau lòt ling bal, mờ kờp jơh priă là rlau 1 tơmàn 500 tơlak đong.        

Thượng tá Nguyễn Xuân Cường, Phó Chủ nhiệm Chính trị Gah đơng lam mpồl ling càr Dăk Lăk pà gi\t, bal mờ broă lơh lam sồr làng bol gơ jăt bal mờ broă dong kờl sền gàr lơngăp lơngai rài kis mpồl bơtiàn, mpồl ling phàu crong càr Dăk Lăk neh lơh niam 4 bal, hơ\ là sa bal, ơm bal, lơh bal mờ tơm bơh bơr mờ dà kòn cau dê, mblàng yal hòi jà làng bol ba` dòn, ba` iăt jăt jơnau bol iơh dê pơrlồm pơn jồ; jơh nùs bơto yal kơrnoat boh lam nàng làng bol in lơh jăt niam gùng dà broă lơh bơh Đảng dê, kơrnoat boh lam Dà lơgar dê.

Ală Gah đơng lam mpồl ling ală kơnhoàl, Trung đoàn 584, 303 neh lam lơh ală broă lơh, bè: lơh oh mi bal mờ ală thôn, [òn, pơlam mpồl ling griăp [òn tàm ală [òn lơgar, ai kuang bàng rê tus xã dong làng bol nàng khi in iang nùs lơh broă lơh sa, bơtàu tơnguh rài kis, gàr kơ\ bơta lơngăp lơngai chính trị, rơndăp tăp sèng ờdo ờdă jơh gùt mpồl bơtiàn, bơ\t bơtàu rài kis niam chài tàm ală [òn lơgar. Tơngai tus, mpồl ling càr Dăk Lăk kung gam geh pơn jăt tai lơh pràn broă lơh do.

Thượng tá Nguyễn Xuân Cường, đơs: Thường vụ Đảng ủy Gah đơng lam Mpồl ling càr neh sồr jơh gùt mpồl ling lơh jăt broă lơh lam sồr làng bol tàm càr bơh broă lơh rê tus ală kơnhoàl r[ah, bè Buôn Đôn, Ea Súp, M’Drak, [òn dờng Buôn Ma Thuột…dong kờl làng bol. Bol a` pơn jăt tai dong làng bol ală broă lơh geh kuơ ngan bơtàu tơnguh lơh sa, dong ală tiah bơ\t bơtàu [òn lơgar pa, dong làng bol tơn jơh hìu bơnhă jơgloh, tơrmù hìu bơnhă r[ah…

Mpồl ling phàu crong Dăk Lăk pà kơnrồ ai hìu r[ah in tàm xã Yang Reh, kơnhoàl Krông Bông

Bơta geh ngan pà go\, uă broă lơh lơh sa dong làng bol bơh mpồl ling phàu crong càr Dăk Lăk dê neh mờ gam cèng wơl cồng nha geh kuơ ngan. Nùs nhơm ling klàng mờ làng bol gơlơh đềt mềr bè ka mờ dà sơl neh pơn jăt tai geh tơngo\, nùs nhơm rcăng lài sền gàr dà lơgar tàm làng bol ngai sơlơ geh lơh kơ\ kơl jăp mờ niam ngan. Srơh tàm pơrlòng “Lam sồr làng bol chài gơ jăt bal mờ dong kờl sền gàr lơngăp lơngai rài kis mpồl bơtiàn” neh gơ gơs là bơhiàn niam tàm rài kis nùs nhơm bơh kuang bàng mờ cau ling gơ wèt mpồl ling phàu crong càr Dăk Lăk dê.

Cau cih Tuấn Long- Cau mblàng Lơ Mu K’Yến