VOV4.K’ho – Tềng đap bơta kòp Covid-19 gơlik geh kal ke, tàm lơgar Campuchia kung neh geh ua\ cau bơ tờp kòp, Mpồl ling sền gàr tiah nhàr dà lơgar càr Dak Nông neh sơlơ tơnguh ală anih ơm gak tàm tiah nhàr dà lơgar, lơh ngan ờ ai kòp mut tàm càr.

Bơdìh mờ 2 mpồng nhàr dà lơgar Dak Puer mờ Bu Prăng, Mpồl ling sền gàr tiah nhàr dà lơgar càr Dak Nông gam crơng gơs tai 12 anih sền gròi kơ\ kơljap dùl bă tiah mờ 5 anih sền gròi làm bă tiah geh rơndap lơh tàm làm gùt gùng nhàr mờ lơgar Campuchia nàng sền gròi cau mờ rơndeh rơn dồ lòt rê.

Ală pôs ling sền gàr tiah nhàr dà lơgar ndrờm ai cau lơh broă geh bơh 5 tus 7 nă ling ơm gak tàm ală gùng wềt, gùng pờ. Ală pôs ling sền gàr tiah nhàr dà lơgar gam bơyai lơh mblàng yal mờ ua\ broă lơh bè loa pờ tơlik jơnau đơs làm bă tiah, mblàng ală sră nggal bè rơcang sơndră kòp Covid-19 mờ dà kòn cau M’nông nàng pờ tơlik làng bol kis kềng gùng nhàr dà lơgar Campuchia in.

Cau mblàng K’Duẩn