VOV4.K’ho- Lam lơh tàm càr Kon Tum bơh nam 2018, tus tu\ do tơnơ\ mờr 2 nam lơh, Broă lơh “Lòt bal mờ cau ùr tiah nhàr lơgar” tơngai bơh nam 2018- 2020 neh lơh geh cồng nha dong uă cau tàm mpồl mờ cau ùr tàm 13 xã tiah nhàr lơgar bơh càr Kon Tum dê kơ\ kơl jăp rài kis, lơh ngan pơđơl pràn brồ guh klàs bơh r[ah. Tàm ală tu\ lam lơh jăt Broă lơh do, bal mờ bơta pơgồp bal niam ngan mờ geh cồng nha bơh 3 mpồl lơh oh mi bal dê, tàm hơ\ geh: Mpồl Tam klac cau ùr càr Kon Tum, Mpồl Tam klac cau ùr càr Đồng Nai, Mpồl Tam klac cau ùr càr lơgar Hà Nội dê gam geh bơnah tă pơgồp kuơmàng bơh mpồl ling sền gàr tiah nhàr lơgar càr Kon Tum dê tai.

Nhai 10 nam 2018 lài do, bi Y Xanh, kòn cau Jeh Triêng, rài kis hìu bơnhă kal ke ngan, ơm kis tàm [òn Kon Gung, xã tiah nhàr lơgar Đăk Nhoong, kơnhoàl Đăk Glei, càr Kon Tum geh Broă lơh “Lòt bal mờ cau ùr tiah nhàr lơgar” dong kờl 5 tơlak priă blơi sơntìl sur sơnràng nàng ròng bơtàu tơnguh rơ\ rài. Tàm jơh ală tu\ tơngai ròng, bi Y Xanh geh kuang bàng, cau ling Pôs đồng ling sền gàr tiah nhàr lơgar Đăk Nhoong bơto pơlam jơh nùs jơh tồr ngan bơh dì tu\ pa rwah blơi sơntìl tus broă ròng siam, sền gàr mờ tơn jă mê, deh kòn rơ\ rài. Bồ nhai 11 pa do, bi Y Xanh tăc sur deh dơ\ sơnrờp geh 15 tơlak đong. Cồng nha lơh geh bơh broă ròng sur sơnràng dong bi Y Xanh tơnguh tai priă lơh geh ai hìu bơnhă in, sơlơ pin dờn tai tàm să tờm mờ geh priă jền nàng rề ơnàng broă lơh ai 18 nă cau ùr gam wơl tàm [òn in.

Bi Y Xanh đơs bè do: Bơh lài tus tu\ do, a` mìng lơh broă sươn sre lơm. Tơnơ\ mờ tu\ kấp hơđăng pà sur sơntìl den hìu bơnhă a` ròng jăt broă tru\ biăp sur mờ tơn siam gơ in sa. A` kung kơ\p kờ` sơl lơh bè lơi tơnơ\ dơ\ 2 do a` ròng dờng nàng a` rwah sơntìl sur me nàng ròng, nàng bơtàu tơnguh mờ pà bàr pe nă oh mi ndai in tàm 18 hìu bơnhă in lùp bơsram tai. Bơdìh hơ\ tai nàng hìu bơnhă a` dê bơtàu tơnguh tai.

Mpồl Tam klac cau ùr càr Đồng Nai pà phan kơnòm bơsram xã Đăk Nhoong, kơnhoàl Đăk Glei in

Bơh bồ sơnam 2018 tơn, tơngai rcăng mờ lam lơh Broă lơh, mpồl ling sền gàr tiah nhàr lơgar càr Kon Tum neh rcăng lài tus bal, bal mờ nùs nhơm lơh broă geh kơnòl ngan. Thượng tá Phạm Văn Lâm, Phó Chủ nhiệm chính trị, Gah đơng lam Mpồl ling sền gàr tiah nhàr lơgar càr Kon Tum pà gi\t, bơh broă lùp sền, mpồl ling sền gàr tiah nhàr lơgar neh lơh geh broă lơh, tơngume lơh broă loh làng, geh kuơ ngan nàng lam lơh jăt geh cồng nha Broă lơh “Lòt bal mờ cau ùr tiah nhàr lơgar” tơngai bơh nam 2018- 2020.

Thượng tá Phạm Văn Lâm, Phó Chủ nhiệm chính trị, Gah đơng lam Mpồl ling sền gàr tiah nhàr lơgar càr Kon Tum pà gi\t: Lam lơh Broă lơh Lòt bal mờ cau ùr tiah nhàr lơgar den Mpồl ling sền gàr tiah nhàr lơgar pơgồp bal mờ Mpồl Tam klac cau ùr càr, cau ùr càr Đồng Nai, cau ùr càr lơgar Hà Nội dê, Mpồl tam klac cau ùr ală kơnhoàl, xã bal mờ kấp ủy, gơnoar ătbồ tàm tiah hơ\ să tờm tơn lòt sền nàng gi\t broă geh ngan tàm rài kis bơh làng bol kòn cau dê đơs bal mờ hìu bơnhă cau tàm mpồl cau ùr dê đơs is nàng lơh geh dùl broă rơndăp lơh boă loh làng, hời rơhời lam lơh jăt.

Jàu hìu ơm ai cau ùr tiah nhàr lơgar in

Pa do ngan rlau jơh là tàm lồi nhai 10, Mpồl Tam klac cau ùr càr Kon Tum mờ Đồng Nai lơh Broă lơh “Tàm tơrbo\- tam pà bal- kờ` gơboh” tàm xã Đăk Nhoong, kơnhoàl Đăk Glei. Broă dong kờl lơh 2 nơm hìu bơta nđàc, tơl nơm hìu lơh jơh 50 tơlak đong; lơh pa 20 nơm hìu jă brê ờ kas priă, bal mờ kờp jơh priă tă lơh là 40 tơlak đong; jàu 30 bơnah priă dong kờl bơsram, tơl bơnah 500 rbô đong; pà rlau 140 nơm sơgơn gàr bồ ai kơnòm bơsram in…Jơh ală broă lơh do ndrờm geh bơta tus bal jơh nùs mờ geh kơnòl ngan bơh kuang bàng, cau ling sền gàr tiah nhàr lơgar dê bơh broă rcăng tus broă dong kờl dà kơlhề, bơta pràn lơh broă nàng kờ` tềm pềr priă jền tă lơh mờ lơh geh cồng nha uă ngan rlau jơh.

Mò Lê Thị Ngọc Loan, Kuang ătbồ Mpồl Tam klac cau ùr càr Đồng Nai pà gi\t, pah dơ\ lòt, pah dơ\ tus mờ tiah nhàr lơgar là nùs nhơm sơlơ đềt mềr rlau tai. Mò Lê Thị Ngọc Loan, đơs: Mpồl lơh broă bơh càr Đồng Nai bol a` dê đìh tềng rơndeh pơgăp 14 jiơ lòt gùng nàng tus mờ càr Kon Tum mờ pơgăp rlau 3 jiơ nàng tus mờ Đăk Nhoong. Tus tàm do bal mờ nùs nhơm bơh cau tàm mpồl tam klac cau ùr Đăk Nhoong dê kung bè bơh ală oh mi cau ling sền gàr tiah nhàr lơgar bơh Đăk Nhoong dê den bol a` gơlơh là chờ hờp ngan, tam klac ngan. Ală bơta bòl glar lòt gùng ngài neh roh jơh. Ală bơta kơ\p kờ`, ală nùs nhơm bol a` pơyua tus digơlan bol a` neh lời wơl gơtùi tàm do.

Sùm tàm jơh 2 nam do, kuang bàng, cau ling ală Pôs đồng ling sền gàr tiah nhàr lơgar jăt gơl gùng nhàr lơgar đah lơgar gơ\p bơyô Lào mờ Campuchia sùm dùl nùs bal, lòt bal mờ Mpồl Tam klac cau ùr càr Kon Tum, Đồng Nai mờ càr lơgar Hà Nội tàm jơh ală broă lơh. Cồng nha pơnrơ ngan là bal mờ Mpồl Tam klac cau ùr hòi jà ală mpồl lơh sa kă bro, ală cau geh nùs nhơm niam tàm dơlam mờ bơdìh càr dong kờl rlau 300 tơlak đong nàng lơh geh priă jền ai Broă lơh in; lơh 3 broă lơh cau ùr bơtàu tơnguh lơh sa tàm ală xã: Đăk Nhoong (kơnhoàl Đăk Glei), Đăk Dục (kơnhoàl Ngọc Hồi) mờ Rờ Kơi (kơnhoàl Sa Thầy); crơng gơs 10 mpồl “Bơto pơlam kơrnoat boh lam” tàm 10 xã bơh 13 xã tiah nhàr lơgar dê; tơlik măt, lơh sùm broă lơh “{òn cau ùr kòn cau bơ\t bơtàu [òn lơgar pa” tơngai bơh nam 2017- 2020…bal mờ kờp jơh priă jền hòi jà tă pơgồp nàng lơh ală Broă lơh là mờr 1 tơmàn 800 tơlak đong.

Kuang bàng, cau ling sền gàr tiah nhàr lơgar càr Kon Tum tìp măt lơh quèng đơs crih tam ya mờ cau ùr 

Đại tá Lê Minh Chính, Phó Chính ủy Gah đơng lam Mpồl ling sền gàr tiah nhàr lơgar càr Kon Tum pà gi\t: Bơh tu\ do tus nam 2020, tơn jơh tơngai dơ\ 1 bơh Broă lơh dê, bol a` pơn jăt tai pơgồp bal mờ cau ùr ală kấp nàng pơn jăt tai lơh jăt geh cồng nha broă lơh do. Bè là geh pơn jăt tai lơh pràn broă lơh mblàng yal ai cau ùr tàm Mpồl Tam klac cau ùr ală kấp in. Dơ\ 2 tai là bơh broă lơh broă sa dong cau ùr ală xã tiah nhàr lơgar geh tu\ bơtàu tơnguh lơh sa pơgồp bơnah klàs bơh r[ah. Dơ\ pe là tơnguh uă jơnau gi\t wa\ bơh oh mi cau ùr dê bè cau ùr tam dră mờ broă lơh pờng, tam lah tam pờng tàm hìu bơnhă.

Tơnơ\ mờr 2 nam lam lơh tàm tiah nhàr lơgar càr Kon Tum, Broă lơh “Lòt bal mờ cau ùr tiah nhàr lơgar” tơngai bơh nam 2018- 2020 neh lơh geh cồng nha dong uă cau tàm mpồl, mờ cau ùr tàm 13 xã tiah nhàr lơgar bơh bơh càr dê kơ\ kơl jăp rài kis, brồ guh klàs bơh r[ah. Tàm jơh ală tu\ lam lơh broă lơh do, bal mờ bơta pơgồp bal jơh nùs mờ geh cồng nha ngan bơh 3 mpồl lơh oh mi bal dê, tàm hơ\ geh: Mpồl Tam klac cau ùr càr Kon Tum, Đồng Nai mờ càr lơgar Hà Nội geh bơnah tă pơgồp kuơmàng bơh kuang bàng, cau ling sền gàr tiah nhàr lơgar càr Kon Tum dê, ală cau gam ngai mang ìa kơ\ ngkơr phàu sền gàr gơnoar tờm ù tiah lơngăp lơngai tiah nhàr lơgar bơh dà lơgar dê.

          Cau cih Khoa Điềm- Cau mblàng Lơ Mu K’Yến