VOV4.K’ho- Lơh jat jơnau sồr bơh Chính phủ dê bè broă rcang sơn dră kòp Covid-19, mpồl ling sền gàr tiah nhàr lơgar càr Kon Tum bal mờ gơnoar atbồ tiah do dê neh sơlơ tơnguh tai mpồl cau, pơgồp bal sền gròi krà` gơl gùng tiah nhàr lơgar jòng rlau 292 kơi sồ, rềp nhàr bal mờ lơgar Lào mờ Campuchia, mờ krà` cê jơh nùs lơh jat “ bơh tàm bơdìh ờ ai lik mờ bơh tàm dơlam ờ ai mut” nàng rcang sơn dră kòp.

Sơn đờm bơh 0 jiơ mang ngai 1/04/ 2020 tàm gùt gùng nhàr lơgar jòng rlau 292 kơi sồ, rềp nhàr bal mờ  2 lơgar gơ\p bơyô Lào mờ Campuchia, mpồl ling sền gàr tiah nhàr lơgar càr Kon Tum ơm jơh ală broă lơh lòt rê tàm nhàr lơgar gơ wèt mờ kon bơnus nàng rcang sơn dră kòp Covid-19. Đại úy Vũ Đức Thắng, Kuang atbồ phàu crong Pôs đồng ling sền gàr tiah nhàr lơgar Đăk Long, xã Đăk Long kơnhoàl Đăk Glei, drơng broă lơh anih kơryan ờ ai lòt rê rcang sơn dră kòp Covid-19, tàm [òn Đăk Xây rềp gùng nhàr bal mờ kơnhoàl Xản xay, càr Attapư, lơgar Lào, pà g^t:

Bol a` pa lòt sền, sền gròi, kơryan nàng di tu\ g^t go\ ală làng bol kơl dang nùs mut tàm nhàr lơgar mut ơm kis tàm lơgar Việt Nam. Gơ wèt mờ làng bol tàm do tu\ lòt gan anih kơryan den bol a` lơh jat broă mblàng yal bè broă rcang sơn dră kòp, den sồr khi glòm muh mat mờ chèo, rào tê mờ cih yal broă  lòt rê nàng anih kơryan kòp in g^t loh mờ ku\p ală cau sơmờm broă lòt lơh broă tàm mìr nàng lòt gan tiah nhàr lơgar tus tàm lơgar đah ne.

Dùl nơm anih kơryan rcang sơn dră kòp bơh Pôs đồng ling sền gàr tiah nhàr lơgar Đăk Long, kơnhoàl Đăk Glei

Tàm ală anih kơryan rcang sơn dră kòp Covid-19 tàm 2 gơl gùng rềp nhàr bal mờ lơgar Lào mờ Campuchia, mpồl ling Sền gàr tiah nhàr lơgar Kon Tum lơh sùm broă lơh ngai mờ màng; sơlơ tơnguh broă lòt sền, kơryan ờ lời làng bol lòt rê tàm tiah nhàr lơgar. Bal mờ hơ\, tàm ală anih kơryan do, kuang bàng, cau ling sền gàr tiah nhàr lơgar gam lơh jat broă mblàng yal, pơlam làng bol tàm do in ală broă rcang sơn dră kòp Covid-19, bè phàt  chèo glòm muh mat, rào tê rcang sơn dră kòp di pal… Bi A Khanh, kòn cau Jeh- Triêng, ơm tàm [òn Đăk Ôn, xã Đăk Long, kơnhoàl Đăk Glei, đơs bè do:

            Să tờm a` den ưn ngài uă ngan ală wa là cau ling sền gàr nhàr lơgar, neh pơlam tơn ai bol hi in g^t lơh mbè lơi nàng gàr niam tàm tu\ tơngai gam rcang sơn dră kòp do. Să tờm a` kung g^t  gơ lơh bè hơ\ den a` rê tàm hìu a` mblàng yal wơl ai hìu bơnhă in g^t tàm tơngai gam rcang sơn dră kòp den pal lơh kloh niam hìu bơnhă, sa sin, hùc dà neh gơm sền gàr niam pràn kơl dang să jan tàm tơngai gam rcang sơn dră kòp.

Kuang bàng ling sền gàr tiah nhàr lơgar pơlam làng bol rào tê rcang sơn dră kòp

Jơh nùs ngan tus bal mờ mpồl ling sền gàr tiah nhàr lơgar atbồ nhàr lơgar nàng rcang sơn dră kòp Covid-19, ồng  Nguyễn Ngọc Sâm, Bí thư Huyện ủy, Chủ tịch UBND kơnhoàl Sa Thầy, kơnhoàl geh gùng nhàr jòng rlau 138 kơi sồ, rềp nhàr bal mờ càr Rattanakiri, lơgar Campuchia pà g^t, gơnoar atbồ tiah do neh geh bơta tàm pơgồp bal niam ngan mờ mpồl ling sền gàr tiah nhàr lơgar atbồ niam ngan tàm tiah do:

Jat jơnau sồr bal bơh càr, kơnhoàl neh đơng lam xã Mô Rai mờ xã Rờ Kơi pơgồp bal mờ ală Pôs đồng sền gàr tiah nhàr lơgar tàm tiah do lơh ală anih kơryan nàng sền gròi, kơryan broă mut ơm kis tàm kơnhoàl. Kơryan ală cau lòt gan nhàr lơgar.

Nàng gàr niam broă lơh jat niam jơnau sồr bơh Chính phủ dê ơm ing ală broă lòt rê gan tiah nhàr lơgar gơ wèt mờ làng bol tàm ală mpồng nhàr lơgar tờm, mpồng nhàr lơgar dềt, gùng wềt, gùng pờ tiah nhàr lơgar Việt Nam mờ Campuchia mờ Việt Nam mờ Lào, Gah đơng lam ling sền gàr tiah nhàr lơgar càr Kon Tum kung neh đơng lam ală Pôs đồng ling sền gàr tiah nhàr lơgar ai tai 43 mpồl, anih kơryan tàm ală gùng wềt, gùng pờ tàm 13 xã bơh 4 kơnhoàl nhàr lơgar là: Đăk Glei, Ngọc Hồi, Sa Thầy mờ Ia H’Drai mờ nùs nhơm krà` cê jơh nùs ờ ai lòt rê tiah nhàr lơgar “bơh tàm bơdìh ờ ai lik mờ bơh tàm dơlam ờ ai mut” nàng rcang sơn dră kòp Covid-19.

Cau cih Khoa Điềm- cau mblàng K’ Hạnh