VOV4.K’ho – Mờ nùs nhơm lam lài, lơh broă dong kờl is, ơruh pơnu càr Lâm Đồng neh crơng gơs 23 mpồl lơh broă dong kờl is tàm 12 kơnhòal, [òn dờng nàng at tê bal rơcang sơndtă kòp Covid-19.

Pah tu\ lòt drà, bi Lê Thị Tiệp, ơm tàm tổ dân phố Yên Bình, thị trấn Đinh Văn, kơnhòal Lâm Hà ndrờm tus anih ràu tê bơh Đoàn ơruh pơnu thị trấn Đinh Văn dê crăp lơh nàng lơh kloh khuẩn. Bi pà git, bơh jơnau mblàng yal bơh đoàn ơruh pơnu dê, bi mờ làng bol tàm tổ dân phố ờ gam tơr gùm gal cau tàm boh bơr bè lài tai: “Bơh ală jơnau yal hơ\, hìu bơnhă bol hi sùm pơn chèu glòm muh mat, blơi dà ràu tê lơh kloh khuẩn. A` sùm mblàng yal cau tàm hìu bơnhă in, ràu tê ua\ rlau mờ lài do nàng dong broă rơcang sơndră kòp niam rlau”.

Ơruh pơnu Lâm Đồng mblàng yal dong làng bol tơnguh jơnau git wă rơcang sơndră kòp Covid-19

Ờ mìng tàm ală drà, mờ tàm git nđờ jơt anih geh gal cau tàm kơnhòal Lâm Hà neh geh ơruh pơnu tàm [òn lơgar lơh anih ràu tê mờ pà ờ sa pria\ chèu glòm muh mat dong làng bol rơcang sơndră kòp Covid-19. Bi Trần Văn Đức, Phó Bí thư Huyện đoàn Lâm Hà pà git: “Bol hi neh đơng lam đoàn ơruh pơnu ală xã, thị trấn tus tu\ do neh lơh geh 16 anih ràu tê tàm tiah geh gal cau. Bol hi neh mblàng yal bè broă rơcang sơndră kòp Covid-19, bơh hơ\ làng bol neh geh tai ală jơnau git wă nàng pơlam cau tờm, hìu bơnhă, gơp bơyô, cau kis bal tàm [òn in, bal mờ gơp rơcang sơndră kòp bơ tờp”.

Đoàn viên ơruh pơnu lơh broă dong kờl is tus bal dong kờl tàm ală anih sền gròi pràn kơldang să jan, rơcang sơndră kòp

Jat bi Trần Thị Chúc Quỳnh, Bí thư Tỉnh đoàn Lâm Đồng pà git, mờ nùs nhơm lam lài, lơh broă dong kờl is tài mpồl bơtìan, ơruh pơnu tàm càr neh crơng gơs 23 mpồl lơh broă dong kờl is tàm 12 kơnhòal, [òn dờng nàng bal mờ gơp at tê bal rơcang sơndră kòp Covid-19. Bơh ală bơnah tă pơ gồp bơh mpồl bơtìan dê, ală kấp bộ Đoàn neh pà git nđờ rbô nơm chèu glòm muh mat, khàr dà lơh kloh khuẩn ờ sa pria\ ai làng bol in, bal mờ ală bơta phan ngui sa kuơmàng nàng drơng mpồl lam lài tàm broă sơndră kòp in: “Tu\ do, ală kấp bộ Đoàn neh hòi jà mờr 1 rbô nă đoàn viên, ơruh pơnu cih mat tus bal mpồl ơruh pơnu lam lài nàng rơcang drơng ală anih tam cah is in tu\ geh jơnau sồr. Mờ kung mpồl do geh tus bal tàm mạng xã hội nàng dră wơl mờ ală mpồl ờ niam đơs ờ ngan bè ală gùng dà, broă lơh bơh Đảng mờ dà lơgar dê”.

Cau mblàng K’Duẩn