VOV4.K’ho – Drim òr, 15/8, tàm Hà Nội, Bộ Lao động – Thương binh mờ Xã hội mut lơh Cribơyai kơnòm dềt dà lơgar dơ\ 6 mờ tơngume “Kơnòm dềt mờ ală broă kơnòm dềt”. Tàm cribơyai do, ală oh geh yal bè broă lơh jat ală jơnau dan tàm cribơyai kơnòm dềt dơ\ 5, nam 2017; cribơyai, ai tơlik ală jơnau đơs, jơnau dan bè ală tơngume rơcang sơndră lơh aniai kơnòm dềt, rơcang sơndră rềs àr, sồt să tàm kơnòm dềt, ờ do ờ dă tàm gah internet mờ ală broă ndai mờ ală oh sền gròi.

Kuơ màng, ngai 17/8 do, ală oh geh tìp mat, boh bơr mờ cribơyai ală jơnau đơs, jơnau dan bơh Cribơyai kơnòm dềt dà lơgar dơ\ 6 tus mờ Kuang đơng lam bồ Dà lơgar, Quốc hội, ală bộ, gah broă lơh, ală mpồl lơh broă. Tơnơ\ cribơyai, ală jơnau đơs, jơnau dan bơh kơnòm dềt dê geh pơyua tus anih lơh broă, ală mpồl lơh broă mpồl bơtìan, ală cau tơlik broă rơndap lơh, ală cau lơh broă tài kơnòm dềt. Đoàn ơruh pơnu Cộng sản Hồ Chí Minh dà lơgar là Mpồl ala mat ai jơnau đơs, bơta kơp kờ` bơh kơnòm dềt dê mờ sền gròi broă lam lơh gơnoar kơnòm dềt jat jơnau đơs, bơta kơp kờ` kơnòm dềt dê.

Cau mblàng K’Duẩn