VOV4.K’ho – Pơrjum Bộ trưởng Giao thông vận tải ală lơgar ASEAN dơ\ 25 (ATM 25) pa geh lơh tàm Hà Nội. Pơrjum geh bơta tus bal bơh Bộ trưởng Bộ Giao thông vận tải 10 lơgar ASEAN, Phó Kuang atbồ mpồl gơnoar cih ASEAN drơng broă mpồl bơtìan lơh sa ASEAN mờ ală mpồl, ală lơgar lơh broă bal. Do là pơrjum pah nam nàng ală Bộ trưởng Giao thông vận tải ală lơgar ASEAN mờ ală mpồl, ală lơgar lơh broă bal pơrjum, tìp mat, cribơyai, ring bal broă gàr niam lam lơh bơt bơtàu mpồl gùng lòt pơndiang phan lơh bal, geh cồng nha, mut gơ rờm bal, ờdo ờdă mờ kơ\ kơljap tàm tiah do.

Pơrjum tơr gùm cribơyai nàng lơh gơs ală sră nggal nàng ki\ ală sră nggal sơlơ tơnguh lơh bal gah gùng lòt pơndiang phan tàm mpồl ASEAN mờ đah mpồl ASEAN mờ ală lơgar lơh broă bal; iat jơnau yal mờ ring bal ală rơndap broă lơh, broă rơndap lơh, broă lơh tàm tơngume lơh broă bal; Cribơyai chồl pràn lơh broă bal gah gùng lòt mờ ală lơgar cribơyai bal geh Lo, Nhờk, Hàn Quốc mờ ală lơgar lơh broă bal ndai.

Cau mblàng K’Duẩn