VOV4.K’ho – Drim òr (07/10), pơrjum dơ\ 11 Ban chấp hành Đảng dà lơgar khóa 12 geh mut lơh yu\ rơ yùm tàm càr lơgar Hà Nội. Pơrjum dơ\ do geh ai jơnau đơs 1 dơ\ bè ală jơnau rơcang cih sră nggal yal pơrjum dơ\ 13 bơh Đảng dê; Jơnau yal bè broă lơh sa – mpồl bơtìan, kes priă dà lơgar nam 2019, kờp du\ lài broă rơndap lơh bơtàu tơnguh lơh sa – mpồl bơtìan, kes priă dà lơgar nam 2020 mờ 2, 3 broă kuơmàng ndai. 

                            Tổng Bí thư, Chủ tịch lơgar, ồng Nguyễn Phú Trọng đơs tàm dơ\ pơrjum

Đơs tàm pơrjum, Tổng Bí thư, Chủ tịch lơgar, ồng Nguyễn Phú Trọng đơs nền, nam 2020 là nam dut ndơl bơh tơngai lơh broă khóa 12 dê, mờ là nam geh lơh pơrjum đảng bộ ală kấp wèt tus pơrjum gùt lơgar khóa 13 bơh Đảng dê.

Tơngume broă lơh pơrjum dà lơgar dơ\ do dê geh pơrya kuơmàng ngan gơ wèt tus mờ broă đơng lam bồ, pơlam lơh gơs niam ală kơ nòl broă bơh nam 2019 – 2020 dê kung bè gùt tơngai lơh broă dê mờ bơyai lơh geh cồng nha pơrjum đảng bộ ală kấp, wèt tus pơrjum gùt lơgar dơ\ 13 bơh Đảng dê. Sồr ală kuang bàng dà lơgar mờ ală kuang bàng ala mat tus bal pơrjum tơnguh uă nùs nhơm geh kơ nòl rềng đap Đảng, tềng đap làng bol mờ dà lơgar, tơr gùm bồ tơ ngoh nàng kơ lôi sơ nơng, cribơyai nền nòn, ai jơnau đơs nàng pơn jat tai lơh gơs ală jơnau rơcang cih jơnau yal mờ sền sơ wì, tơlik kơrnuat bè ală broă kuơmàng ndai tàm broă lơh bơh dơ\ pơrjum dê. Pơrjum geh lơh bơh ngai 7 tus ngai 13 nhai 10 do.

Cau mblàng K’Duẩn