VOV4.K’ho – Ngai do, 18/9, pơrjum kuang bàng ala mat gùt lơgar Mặt trận dà lơgar Việt Nam dơ\ 9, tơngai lơh broă bơh nam 2019 tus nam 2024, ngan ngồn geh mut lơh. Geh lơh tàm 3 ngai, bơh ngai 18 tus ngai 20 nhai 9 tàm Hà Nội mờ tơngume “Tam klac bal – làng bol lơh tờm – tam gơl pa – bơtàu tơnguh”, pơrjum geh bơta tus bal bơh 999 nă kuang bàng ala mat ngan ngồn. Jat Chủ tịch Ủy ban Mặt trận dà lơgar Việt Nam, ồng Trần Thanh Mẫn đơs, tơngai lơh broă lài, mặt trận ală kấp neh sùm ai tơngo\ gơnoar broă, kơnòl geh cih tàm Cuơng lĩnh, kơrnuat boh lam, Adat Mặt trận dà lơgar mờ ală sră nggal bơh Đảng, dà lơgar dê.

Mặt trận neh ai tơnggo\ gơnoar broă là bơnàng jă chính trị bơh gơnoar atbồ làng bol dê. Hòi jà jơh bơta pràn bơh gùt jơi bơtìan dê nàng lam lơh ală kơnòl bơtàu tơnguh lơh sa, mpồl bơtìan, sền gàr dà lơgar, sền gàr lơngap lơngai mờ bơt bơtàu mpồl lơh broă chính trị tàm gùt lơgar pràn kơldang, kơ\ kơljap, lơh jat jơnau kờ` kơ nòl broă pa. Mặt trận ală kấp neh hòi jà mpồl tam klac dờng gùt jơi bơtìan, tơnguh làng bol lơh tờm, mặt trận tus bal sền gròi, cribơyai mpồl bơtìan, tă pơgồp jơnau đơs bơt bơtàu Đảng, gơnoar atbồ, lơh gơlik bơta pin dờn bơh Đảng mờ làng bol dê.

Cau mblàng K’Duẩn