VOV4.K’ho – Tàm Hà Nội, Tổng cục Thống kê (Bộ Kế hoạch mờ Đầu tư) bơyai lơh Pơrjum lam lơh broă rơndap lơh mờ bơto pơlam broă rơndap lơh lùp sền mpồl lơh sa kă bro nam 2020. 

Đơs tàm pơrjum, Thủ tướng Chính phủ, ồng Nguyễn Xuân Phúc đơs nền, gah Thống kê pal lơh niam 2 kơnòl broă tờm là tơnguh bơta niam, cồng nha broă lơh Thống kê nàng drơng di tu\ broă đơng lam, pơlam bơh Chính phủ, Thủ tướng Chính phủ, ală kấp, ală gah broă lơh dê. Dơ\ 2 là yal tơl làm jơnau tơnggit lơh sa – mpồl bơtìan, lơh jat jơnau kờ` lơh sa, kă bro mờ rài kis drơng làng bol, mpồl lơh sa kă bro in.

Lơh niam broă lơh bơto bơtê, pơlam, rơndap ai kuang bàng, ngan là kuang bàng kơnòm să, kuang bàng cau ùr geh nùs nhơm, pràn jak niam, geh mờng chài lơh broă ua\, lơh gơlik bơnàng jă mpồl cau lơh broă kơ\ kơljap nàng bơt bơtàu gah thống kê. Thủ tướng kung đơs sùm gơnoar broă bơh broă mblàng yal, yal jơnau tơnggit khà kờp bè broă lơh sa – mpồl bơtìan tus ală mpồl lơh sa kă bro mờ làng bol nàng lơh bè lơi ală khà kờp là “ală sồ git đơs”, lơh gơs broă lơh ngan ngồn.

Cau mblàng K’Duẩn