Ồng Phạm Bình Minh, Phó Thủ tướng Chính phủ, Bộ trưởng Ngoại giao neh tus pơrjum mờ geh jơnau đơng lam tàm pơrjum. Pơrjum ring bal sền wơl nam 2019, broă lơh bal mờ lơgar ndai Đảng mờ Dà lơgar he neh geh lơh ndrờm bal tàm ală gah broă tòm gơwèt mờ broă lơh bal mờ lơgar ndai Đảng, broă lơh bal mờ lơgar ndai Dà lơgar, broă lơh bal mờ lơgar ndai Quốc hội, broă lơh bal mờ lơgar ndai bè broă sền gàr bơta lơngăp lơngai dà lơgar, broă lơh bal mờ lơgar ndai làng bol.

Broă lơh bal mờ lơgar ndai neh pơgồp bal kuơ màng tàm broă gàr niam bơta ring lơngai, ring niam kờ` tơnguh bơtàu; pơgồp bal nền nòn mờ broă sền gàr bơta lơngăp lơngai dà lơgar, pơgồp bal tàm broă sền gàr kơl jăp gơnoar ù tiah dà lơgar.

Broă sền gàr mờ dong kờl làng bol, cau lơh ka, broă lơh bal mờ lơgar ndai bơta chài rơgơi, broă cau lơgar Việt Nam, ai tàm nam 2020 geh kuơ màng ngan mờ broă lơh bal mờ lơgar ndai lơgar Việt Nam dê, Phó Thủ tướng, Bộ trưởng Ngoại giao ồng Phạm Bình Minh neh lam sồr geh tơngu me pơrlòng bơh Bộ Ngoại giao nam 2020 dê: “Nam ASEAN 2020 mờ Hội đồng Bảo an Liên hợp quốc: lơh jăt kơnòl kuơ màng dunia, tơnguh bơngă dà lơgar, pơgồp bal niam tàm broă bơ\t bơtàu mờ sền gàr dà lơgar”.

Cau mblàng Ndong Brawl