VOV4.K’ho – Nam 2020, Gia Lai tơlik jơnau kờ` lơh ngan tơnguh tai 1 rbô 145 mpồl lơh sa kă bro, gơguh 26% pơn drờm mờ nam 2019, kờp jơh pria\ bơcri cih mat là 7 rbô 450 tơmàn đông, gơguh 27%; lơh ngan tơnguh khà bơta pràn tàm pơr lòng bơh càr dê sơr lèt 10 khà. Nàng lơh geh jơnau kờ` do, bơh bồ nam, Sở Kế hoạch mờ Đầu tư neh cribơyai mờ UBND càr ai tơlik 2, 3 broă lơh nàng lơh gơlik bơta niam ai mpồl lơh sa kă bro in crơng gơs mờ bơtàu tơnguh; mơkung pơn jat tai chồl pràn broă lơh mblàng yal mờ lam lơh geh cồng nha broă rơndap lơh bơh UBND càr dê bè broă lơh jat Nghị quyết sồ 35 bơh Chính phủ dê bè pơn jờng, dong kờl mờ bơtàu tơnguh mpồl lơh sa kă bro; Nghị quyết sồ 2 bơh Chính phủ dê bè pơn jat tai lơh jat ală kơ nòl broă, broă lơh kuơmàng tam gơl broă kă bro, tơnguh bơta pràn tàm pơr lòng dà lơgar.

Kuơmàng, càr kung tơr gùm mblàng yal mờ ngui geh cồng nha 2, 3 broă lơh dong kờl mpồl lơh sa kă bro dềt mờ dimơ bơh dà lơgar mờ càr dê; chồl pràn broă pơlam mờ lam lơh broă cih mat mpồl lơh sa kă bro bơh tàm internet, tơrmù tơngai bơsong sră nggal.

Cau mblàng K’Duẩn