VOV4.K’ho – Ngai chờ sơn đờm mut lơh broă dà lơgar bơh kơnòm bơsram, cau bơsram dờng nam 2019 dê rơcang geh lơh tàm 2 ngai, ngai 4 mờ ngai 5 nhai 10 do.

Do là jơnau tơnggit geh yal tàm dơ\ tìp mat cau lơh [a\u bè broă lơh bơh Bộ Giáo dục mờ Đào tào bơyai lơh drim òr, 01/10 tàm Hà Nội. Nam do kung là nam dơ\ 2 sùm, Bộ Giáo dục mờ Đào tạo bơyai lơh broă lơh do. Ngai chờ sơn đờm mut lơh broă dà lơgar bơh kơnòm bơsram, cau bơsram dờng nam 2019 bơh hìu bơsram đại học Bách khoa Hà Nội bơyai lơh mờ ală broă lơh tờm ngan bè ràng tơlik ală anih bơceh pa sơn đờm mut lơh broă gơwèt ală gah khoa học, kă bro, công nghệ, bơto bơsram, lơh sơnơm…

Ală rơndap broă tus bal ràng tơlik mờr 80 rơndap broă lơh geh sac rơ wah bơh mờr 300 jơnau bơceh pa bơh cau bơsram dờng ală hìu bơsram đại học, cao đẳng dê, kơnòm bơsram phổ thông tàm gùt lơgar. Bơta tờm bơh Ngai chờ dê là dar dut ndơl dơ\ pơr lòng kơnòm bơsram, cau bơsram dờng mờ jơnau bơceh pa sơn đờm mut lơh broă nam 2019. Tàm dơ\ lơh ngai chờ gam geh ală dơ\ cribơyai, ală dơ\ pơrjum bè sơn đờm mut lơh broă ai kơnòm bơsram, cau bơsram dờng in.

Cau mblàng K’Duẩn