VOV4.K’ho – Tàm càr Lâm Đồng, Bộ Khoa học mờ Công nghệ pơgồp bal mờ UBND càr Lâm Đồng bơyai lơh Ngai chờ sơn đờm mut lơh broă tiah Tây Nguyên mờ tiah kềng gah dà lềng đah jum tàm gùl dà lơgar. Tàm do geh lơh ua\ broă lơh duh hồl ngan bè pơrjum lơh bal bơcri pria\ đah Startup mờ mpồl lơh sa kă bro, cau bơcri pria\; ràng tơlik phan bơna mờ rơndap broă lơh startup bơh tiah do dê. Kung tàm Ngai chờ do sơl, geh lơh dơ\ pơr lòng “Jòi cau jak sơn đờm mut lơh broă tam gơl pa, bơceh pa tiah Tây Nguyên mờ tiah kềng gah dà lềng đah jum tàm gùl dà lơgar”.

Tơngai lài, UBND ală càr gơ wèt tiah Tây Nguyên mờ tiah kềng gah dà lềng đah jum tàm gùl dà lơgar neh lơh ngan bơt bơtàu mờ ai tơlik 2, 3 sră nggal lam lơh jat kơrnuat bơh Thủ tướng Chính phủ dê wèt tus dong kờl bơta sơn đờm mut lơh broă tam gơl pa, bơceh pa tàm [òn lơgar dùl bă geh cồng nha. Tàm hơ\ pal kờp tus 2, 3 cồng nha geh pơn rơ ngan bè: crơng gơs mờ bơtàu tơnguh ală mpồl dong kờl sơn đờm mut lơh broă bơceh pa bơh dà lơgar mờ cau dùl nă să is dê; crơng gơs kes pria\ dong kờl sơn đờm mut lơh broă bè Quảng Nam, Kon Tum; ai broă lơh môn bơsram sơn đờm mut lơh broă tơmut tàm ală broă lơh bơ to bơtê bơh hìu bơsram dê…

Cau mblàng K’Duẩn