VOV4.K’ho- Tu\ do, ală mpồl đảng gơ wèt Đảng bộ kơnhoàl Ngọc Hồi, càr Kon Tum gam jơh nùs rcăng ală bơta nàng bơyai lơh pơrjum dờng, wèt tus Pơrjum dờng cau ala măt Đảng bộ kơnhoàl khoá 7, tơngai lơh broă bơh nam 2020- 2025.

Đảng bộ kơnhoàl Ngọc Hồi geh rlau 2.300 nă đảng viên, pơrjum tàm 59 mpồl đảng kơnă hơđơm (tàm hơ\ geh 12 Đảng bộ mờ 47 Chi bộ). Bơsram mờ lơh jăt Chỉ thị sồ 35 bơh Bộ Chính trị dê mờ Broă rơndăp lơh sồ 100 bơh Tỉnh ủy dê, Huyện ủy neh lơh mờ đơng lam lơh jăt dùl ròt bal Broă rơndăp lơh sồ 125 bè rcăng mờ bơyai lơh pơrjum dờng chi bộ, đảng bộ ală kấp mờ Pơrjum dờng cau ala măt Đảng bộ kơnhoàl khoá 7, tơngai lơh broă bơh nam 2020- 2025.

Ông Phạm Hải Châu, Ủy viên Ban Thường vụ Huyện ủy, Kuang ătbồ Mpồl bơyai lơh broă Huyện ủy Ngọc Hồi đơs nền: Đảng bộ kơnhoàl Ngọc Hồi sền broă bơyai lơh Pơrjum dờng Đảng ală kấp tơngai lơh broă pa là kơnòl broă chính trị kuơmàng, bal mờ bơtàu tơnguh lơh sa- mpồl bơtiàn mờ lơh jăt ală kơnòl broă ndai tàm nam 2020. Kơnòm rcăng wil tơl ală bơta mờ sơrbac mhar lam lơh broă lơh, tus tu\ do, Đảng bộ kơnhoàl neh geh rlau 80% chi bộ gơ wèt Đảng ủy kơnă hơđơm jơh lơh pơrjum dờng tơngai lơh broă khoá pa.

 Jăt ồng Nguyễn Văn Tuyên, Phó Bí thư Thường trực Đảng bộ thị trấn Plei Kần dê yal, tàm nhai 12 nam 2019 pa do, ală chi bộ gơ wèt Đảng bộ thị trấn sền bal neh bơyai lơh geh cồng nha pơrjum dờng chi bộ. Bơta pa bơh pơrjum dờng ală chi bộ dơ\ do là mờr 50% tàm kờp jơh khà 11 chi bộ thôn, tổ dân phố bơh thị trấn dê geh Bí thư Chi bộ mơkung là Kuang ătbồ Tổ dân phố, kuang ătbồ thôn.

 Ồng Nguyễn Văn Tuyên, đơs:Đảng ủy thị trấn neh tơrgùm sồr lơh jăt wil tơl ală broă jăt broă rơndăp lơh rcăng mờ bơyai lơh pơrjum dờng đảng kấp hơđơm, wèt tus Pơrjum dờng cau ala măt Đảng bộ thị trấn khoá 7, tơngai lơh broă bơh nam 2020- 2025. Tu\ do, rcăng cih dơ\ dùl jơnau yal chính trị, jơnau yal sền tìs di bơh Ban Chấp hành Đảng bộ thị trấn khoá 6 dê nàng yal tàm pơrjum dờng dơ\ 7 neh geh ai jơnau đơs làm uă gơ wèt mờ kuang bàng, đảng viên, ngan là lùp jơnau đơs tă pơgồp bơh ală kuang bàng lơh broă kăc màng jo\ sơnam dê, ală kuang bàng lài do là kuang đơng lam bồ tiah do, nàng pơn jăt tai bơtơl mờ lơh gơs.

Đảng bộ Mpồl đơng lam ling klàng kơnhoàl Ngọc Hồi geh 56 nă đảng viên, pơrjum tàm ală chi bộ gơ wèt mpồl dong broă- chính trị, dong kờl phan bơna- măy mok mờ Đại đội 188. Thượng tá Trần Chí Thanh Phó Bí thư Đảng ủy, Chính trị viên Mpồl đơng lam ling klàng kơnhoàl Ngọc Hồi pà gi\t: Đảng ủy bol a` neh rwah Chi bộ Đại đội 188 bơyai lơh pơrjum lơh lài, tơnơ\ hơ\ ai jơnau bơsram mờng chài đơng lam ală chi bộ gam wơl lơh, lơh geh cồng nha jăt jơnau sồr neh rcăng lài. Jăt tàm bơta bơyai lơh geh cồng nha pơrjum dờng ală chi bộ, broă lơh rcăng bơyai lơh Pơrjum dờng Đảng bộ Mpồl đơng lam ling klàng kơnhoàl tàm bồ nhai 4 nam do gam geh sơrbac mhar lơh gơs.

Jăt broă rơndăp lơh bơh Huyện ủy Ngọc Hồi dê, pơrjum dờng ală chi bộ gơ wèt đảng ủy kơnă hơđơm geh lơh gơs lài mờ ngai 10 nhai 3 nam do. Tơnơ\ pơrjum dờng lơh lài bơh càr dê tàm Đảng bộ xã Pờ Y geh lơh tàm ngai 9 mờ 10 nhai 1 pa do, pơrjum dờng kấp kơnă hơđơm tàm làm bă tiah geh Ban thường vụ Huyện ủy Ngọc Hồi sồr lơh gơs lài mờ ngai 15 nhai 4 tus. Bè ală broă sồr bơyai lơh pơrjum dờng kấp hơđơm, ồng Phạm Hải Châu pà gi\t: Bơta geh ngan neh geh bàr pe mpồl đảng kơnă hơđơm gam kwi kwơ tàm broă lơh rcăng sră nggal kung bè kuang bàng lơh broă khoá pa, ngan là bàr pe nă kuang bàng kơnă hơđơm ờ tơl khà nàng ai lơh, halà rơndăp tăp sèng. Huyện ủy neh di tu\ đơng lam, bơto pơlam broă bơsong dipal; tàm hơ\, sền dờng màng ai lơh broă, rơndăp tăp sèng dipal mpồl kuang bàng đơng lam tờm kơnă hơđơm, khin cha bơsong broă jăt jơnau ai gơ wèt mờ ală cau là kuang bàng dờng sơnam, ờ hềt lơh geh jơnau sồr pal tơl khà; bơh hơ\ lơh geh bơta dùl nùs bal tàm bơta gi\t wa\ mờ broă lơh nàng rcăng niam pơrjum dờng đảng tàm kơnă hơđơm in. 

Rcăng niam tơngume, kuang bàng, phan bơna nàng bơyai lơh geh cồng nha pơrjum dờng ală chi bộ gơ wèt đảng ủy kơnă hơđơm mờ pơrjum dờng đảng kấp hơđơm là bơnàng jă nàng bơyai lơh geh cồng nha Pơrjum dờng cau ala măt Đảng bộ kơnhoàl dơ\ 7 jăt di tu\ tơngai neh rcăng; pơgồp bơnah cèng wơl nhơm kis pa, lơh geh bơta gơn kơnờm pa ai ală broă lơh bơ\t bơtàu mờ bơtàu tơnguh bơh kơnhoàl Ngọc Hồi dê in.

Jăt Báo Kon Tum- Cau mblàng Lơ Mu K’Yến