VOV4.K’ho - Gơbàn tàm să kòp as che tơngoh neh gơmu\t tus tàm tơngoh, mơya bi Nguyễn Tài Nam, kis tàm [òn 2, xã Ea Kao, [òn dờng Buôn Ma Thuột, càr Dak Lak mờ broă lơh ngan neh sơlèt is bơh să tòm mờ tam pà mờ ală cau kung gơbàn bal mờ broă lơh nùs nhơm dong kờl is. Mìng mờ điện thoại at tê bal mờ pang facebook, tàm bàr nam do, Nguyễn Tài Nam neh dong kờl g^t nđờ rơhiang nă cau gơtìp ờ bơtoah mờ khà priă tus g^t nđờ tơmàn priă.

Nguyễn Tài Nam deh nam 1990, kis tàm [òn 2, xã Ea Kao, [òn dờng Buôn Ma Thuột, càr Dak Lak neh geh tu\ là cau bơsram jăk mờ tơriang tơriồng ngan. Tu\ guh ơdu\ 4, den oh gơtìp kòp as che tơngoh neh gơmu\t bơh tơngoh tus jơng tê.

               Bu\ lah lòt ờ kơ\, mơya Nguyễn Tài Nam ờ tu\ lơi ơm tàm broă lơh nùs nhơm dong kờl

Bu\ lah cau tàm hìu nhă lơh ngan sơm kòp, mơya bơta kòp tê jê să Nam dê sơlơ ngai sơlơ jroă rơlao, mờ ală bơta tơngo\ gơl^k as gùt să bồ, woeh bơr, mpong tồr, să jan koe den tàng kal ke tàm broă lòt rê.

Mò Nguyễn Thị Lý, mẹ Nguyễn Tài Nam dê pà g^t, sền go\ kòn gơtìp kòp tê jê să bè do, hìu nhă ờ su\k ơm ngan, tàm tiah lơi kơno cau lơh sơnơm geh pơnrơ jăk là bàr nă ùr bơklao cèng kòn tus.

-Đơs ngan là Nam ờ geh tiah lơi là ờ hềt tus. Ală oh mi tàm jơi nòi neh cri bơyai là lời oh ơm tàm hìu, geh phan sa lơi bơkah den blơi ai oh in sa ờ gơtùi lòt tai. A` đơs mờ bơklao a` là bàr nă ùr bơklao neh càn priă g^t nđờ mờ tu\ do lời kòn ơm tàm hìu ờ gơtùi. Uă ngan là tàm broă lòt gùng, chơ\t cèng rê kung di sơl, den tàng Nam geh să bồ tus bè ngai do.

Gơtìp kòp tê jê să lơh aniai bè să jan bal mờ nùs nhơm, mơya mờ broă lơh ngan kờ` kis, klao pơnu Nguyễn Tài Nam ờ mìng sơlèt mờ bơta kòp tê jê să bơh să tòm mờ gam lơh uă broă geh kuơ tàm mpồl bơtiàn.

                        Ală jơnau hòi jà bơh Nguyễn Tài Nam tàm facebook sùm geh uă cau kờ` bal

Mờ dùl nơm điện thoại at tê mè bèp blơi kờ` [uơn tàm broă lòt rê mờ cau pròc mhàm, Nam lơh pang facebook kờ` pơgồp bal mờ ală cau. Jơnau yal geh kuơ sơnrờp ngan là Nam cih jơnau yal bơh dùl nă cau kis rềp bal gơbàn kal ke tàm rài kis tài kòp tê jê să. Bơh tu\ hơ\, Nam neh  pơgồp geh mờr 100 tơlăk priă kờ` dong kờl ai hìu nhă cau kis rềp bal do in geh priă lòt sơm kòp.

                        Lo\ Nguyễn Nga sùm bal mờ Nguyễn Tài Nam tàm broă lơh nùs nhơm dong kờl

Bơh tu\ hơ\, Nguyễn Tài Nam lơh pang facebook să tòm gơs dùl anih lơh broă nùs nhơm dong kờl. Mìng geh kơno tàm tiah lơi geh cau gơtìp kal ke, tàm tiah lơi geh cau gơtìp kòp tê jê să mờ ờ geh priă sơm kòp, Nam tus tơn tàm hìu kờ` ku\p rùp mờ lùp sền rài kis hìu nhă ală cau do hơ\ sồng cih mờ tơmu\t tàm pang facebook.

Nùs nhơm niam bè hơ\ sùm geh lơh, Nam tu\ do neh gơs là cau atbồ mpồl lơh broă nùs nhơm dong kờl is Ea Kao dê mờ mờr 700 nă cau.

                                   Nguyễn Tài Nam dong kờl cau pròc mhàm cau gơtìp chơ\t

Tàm bàr nam do, mpồl lơh broă nùs nhơm dong kờl is bơh Nam dê neh jào g^t nđờ rơbô pò phan dong kờl kơnòm dềt, g^t nđờ rơbô pò phan ai ală hìu nhă kal ke mờ g^t nđờ tơmàn priă dong kờl ai ală cau kòp rơ[ah in.

Lo\ Nguyễn Nga, kis tàm sơnah [òn Tân Lợi, [òn dờng Buôn Ma Thuột g^t Nam bơh pang facebook, sền ngềr ngan broă lơh bơh dùl nă klao pơnu lòt ờ kơ\, đơs ờ bloh, iăt ờ kơno mờ tu\ lơi kung rơcang lòt g^t nđờ rơhiang kơi sồ tus tàm ală tiah kờ` tam pà bal jơnau kờ` gơboh ai ală cau gơtìp ờ bơtoah in.

                                       Nguyễn Tài Nam dong kờl cau gơtìp ồs sa hìu

Bơh nùs nhơm sền ngềr, lo\ Nga neh gơs là cau lơh broă bal mờ Nam tàm broă lơh nùs nhơm dong kờl is.

-Bơh sơnrờp ờ g^t Nguyễn Tài Nam là cau lơi, go\ oh sùm tơl^k ală jơnau hòi jà lơh broă nùs nhơm dong kờl tàm pang facebook, den tàng Nga kung kờ` lơh bal. Geh dùl ngai Nam pơrgon tàm hìu tăc dà kơphe den kung ờ g^t Nam ờ gơtùi lòt, ờ gơtùi đơs mờ tê kung ờ gơtùi cih. Tu\ tus tìp Nam den nùs nhơm a` ngoh rơngăc ngan.

Đơs ngan là ngềr ngan. Bơh tu\ hơ\, pah dơ\ geh broă lơh nùs nhơm dong kờl den tu\ lơi kung lòt lơh broă bal mờ Nam sùm.

Kờ` geh jơnau yal di pal bè ală cau geh rài kis kal ke tài kòp tê jê să lơh gơbàn, Nguyễn Tài Nam neh jòi tus ală hìu sơnơm tàm càr Dak Lak.

                                           Nguyễn Tài Nam dong kờl ală hìu nhă gơtìp kal

Mìng kờ` g^t jơnau yal geh cau kòp rơ[ah mờ kòp jroă gam sơm kòp tàm hìu sơnơm là Nam tus, kờ` mhàm Nam hòi cau ai mhàm, kờ` priă Nam dong kờl priă.

Geh tu\, geh ală cau sơm kòp ờ bời, hìu nhă kal ke ờ jai tàm broă drơng chơ\t, Nam hòi tai cau dong kờl tus drơng broă do. Jat jơnau yal bơh bác sĩ Hoàng Ngọc Anh Tuấn, kuang atbồ khoa Hồi sức cấp cứu kơnòm dềt mờ kòn se pa deh, hìu sơnơm tiah Tây Nguyên yal den Nguyễn Tài Nam là cau gơbàn kòp tê jê să mờ là cau “dong kờl” cau kòp rơ[ah.

-Gơwèt mờ oh Nam, den do là dùl nă cau krơi is ngan, să tòm oh kung là dùl nă cau gam tàm tơngai sơm kòp ală bơta gơbàn bơh ală bơta kòp dê. Mơya să tòm oh kung neh tus dong kờl khoa uă ngan cau, geh cau dong kờl priă jun tus hờ hìu sơnơm dờng rơlao, geh cau den dong kờl tàm broă sơm kòp, geh bal tàm broă blơi phan sa, dà toh kòn dềt in.

Đơs ngan là uă ngan. Jăt a` kơlôi den broă do geh bơh nùs nhơm niam là dùl, bàr tai là să tòm g^t gơbàn kòp mờ g^t broă lơh ngan kờ` sơlèt mờ glar bòl bơh uă bơta kòp den tàng oh geh broă tam pà bal uă bè do.

Bơh ngai jòi geh bơta chờ tàm rài kis là lòt dong kờl ală cau gơtìp kal ke, hìu nhă Nam kis tàm [òn 2, xã Ea Kao, [òn dờng Buôn Ma Thuột, càr Dak Lak gơs là anih dờp phan dong kờl cau kòp in.

Sơnam gam kơnòm, kòp tê jê să lơh aniai rơlao 20 nam do, mơya mờ bồ tơngoh ngăc ngar, Nguyễn Tài Nam neh sơlèt is bơh să tòm kờ` dong kờl uă cau geh rài kis kal ke rơlao. Gơwèt mờ Nam, chờ hờp là geh kis kờ` gơboh bal.

-A` kơ\p kờ` geh uă ngan bơta pràn kơl dang să jan kờ` gơtùi lòt tus tàm uă tiah, dong kờl geh uă cau, tam pà bal uă bơta chờ mờ cau rơ[ah. Mờ să tòm a`, jào nùs nhơm kờ` gơboh là bơta chờ.

Cau mblàng Ndong Brawl