VOV4.K’ho- Geh ơm tàm gùl brê nho bơnơm Langbiang dê, [òn dờng Dà Làc, càr Lâm Đồng là dùl tiah nhơl chờ ơm rơlôi să geh pơnơ ngan lơgar Việt Nam dê. Bơh bơta niam geh is bơh ù tiah brê bơnơm do dê là bơta geh, bơta pràn kờ` tơnguh bơtàu nhơl chờ Dà Làc – Lâm Đồng.

Mờ càr Lâm Đồng kung neh ai do là gah lơh sa kuơ màng, ai geh bơta pràn chồl ală gah lơh sa ndai geh tơnguh bơtàu bal, pơgồp bal niam tàm broă tơnguh bơtàu lơh sa mpồl bơtiàn càr bal mờ tiah do dê.

Mơya, gah nhơl chờ Dà Làc – Lâm Đồng tu\ do kung gamờ hềt tơnguh bơtàu di pal mờ bơta geh bal mờ bơta pràn neh geh lài dê, gam gơbàn mờ uă kal ke, pal gờ` geh broă bơsong kờ` chồl pràn tơnguh bơtàu di pal mờ bơta geh bal mờ bơta pràn geh lài dờng màng bơh ù tiah geh is pà do dê.

Tu\ do tàm càr Lâm Đồng geh uă tiah niam geh pơnrơ mờ geh bơta kuơ uă ngan bè bơta niam, rài lài do bal mờ bơta chài rơgơi gam tàm bơta gơmù, ờ niam tus mờ bơta niam bal mờ bơta pràn tàm pơrlòng, gơmù bơta hòi jà cau năc bè: Tiah nhơl chờ Langbiang, `rùh Cam Ly, tơnao dà Than Thở, `rùh Prenn, `rùh Rơwas, `rùh Ponguor, Rơgồng klìu...

Geh bơta do tài ală cau tòm bơcri priă mìng ngui khà măt mờ bơta geh lài kờ` lơh mờ ờ bơcri priă, lơh niam wơl, bơtơl broă lơh pa. Tềng đăp mờ bơta mùl màl do, dùl nă cau neh geh tu\ lơh broă jo\ nam tàm gah nhơl chờ càr Lâm Đồng  ờ su\k ơm đơs:

-Broă ù tiah, trồ tiah niam pà ai Dà Làc in là dùl bơta kuơ màng ngan, mơya kung bơh bơta do neh lơh gơbàn dùl bơta ờ niam là broă nhơl chờ Dà Làc dê ờ sền gròi, kơnờm bơh tàm ù tiah geh is mờ ờ sền gròi tus mờ bơta geh kuơ.

Tu\ do, he gơtùi đơs là Dà Làc ờ hềt geh dùl rơndăp broă lơh lơi geh sơnđan là rơndăp broă lơh tòm kờ` hòi jà cau năc nhơl chờ. Tàm tu\ hơ\, bơta kuơ màng Dà Làc dê là geh ù tiah niam kờ` hòi jà cau năc nhơl chờ den ờ geh atbồ lơh gơbàn ngai sơlơ ờ niam, lơh cau năc ngai sơlơ ờ bài tus mờ he tai.

Broă ờ pràn tàm broă atbồ ală broă nhơl chờ Dà Làc – Lâm Đồng kung lơh ờ niam tàm nùs nhơm cau năc nhơl chờ. Hơ\ là broă hòi jà, pơrlồm ală bơta nhơl chờ lơh gơbàn ờ niam, lơh kal ke, geh tu\ pơhìn mờ lơh cau năc. Neh geh cau lam sồr nhơl chờ gơtìp cau lơh tài ờ bài ai mpồl cau năc nhơl chờ tus blơi mứt jăt jơnau jà.

Jăt bi Trần Trí Dũng, dùl nă cau lam sồr nhơl chờ - là cau neh geh tu\ gơtìp dùl mpồl cau hòi jà blơi mứt tàm [òn dờng Dà Làc lơh gơtìp sồt să tài ờ bài ai mpồl cau năc tus blơi mứt, di lah bơta do ờ geh lơh niam wơl, den di gơlan ờ geh cau lơi khin tus Dà Làc nhơl, ơm rơlô să tai:

-Gơtìp ờ niam ngan den tàng broă do di lah ờ kơrian den di gơlan hìng nao gam gơbàn uă rơlao tai. Ờ di do là dùl dơ\, bàr dơ\ ờ mờ là neh gơbàn bơh uă nam blơi, ờ di là dùl nam ha là bàr niam. Tu\ do, oh mi pơlam nhơl chờ bơh gùt lơgar he ờ su\k ngan. Đơs ngan là cau ngòt tus tàm do gơtìp lơh, ngòt he là cau dơ\ bàr, dơ\ pe pơn jăt tai.

Bal mờ broă hoài jà den tàm Dà Làc gam geh broă tăc phan jăt broă lơh iơh bơsăk ngan. Cau năc di gơlan gơtìp lơh tàm tu\ lơi, geh bal tàm drà. Dơ\ dùl nă cau ùr nhơl chờ tus bơh càr Kiên Giang gơtìp cau tăc phan tàm Dà Làc lơh tus gơpừ chơ\t tơn yơh tàm drà mìng tài ờ ring bal bè khà priă blơi phan neh lời wơl bơta ờ niam ngan tàm nùs nhơm cau năc.

Bu\ lah ală broă do mìng geh ờ uă, mờ ndrờm neh geh anih lơh broă geh gơnoar tàm do kơrian, bơsong di tu\, mơya kung neh lơh ờ niam uă ngan, lơh Dà Làc-dùl [òn dờng geh sơnđan là niam bơne\, đềt mềr mờ cau năc gơtìp ờ niam uă ngan.

Jăt ồng Trần Xuân Đức, dùl nă cau lơh broă tàm anih lơh sa kă bro nhơl chờ tàm càr Lâm Đồng yal, di lah anih lơh broă geh gơnoar tàm do ờ geh broă lơh pràn kờ` tơn jơh bơta ờ niam do, den gah nhơl chờ Dà Làc – Lâm Đồng gơtìp lơh roh is să tòm:

-Ờ su\k ngan, cau năc nhơl chờ sền tàm do den cau đơs là sền Dà Làc tu\ do ờ gam geh bơta lơi tai kờ` lòt. Jăt a`, di lah ală anih lơh broă geh gơnoar ờ geh gùng dà bơsong jơh, tus bal den lơh gơbàn ờ niam ngan, mờ rùp rài Dà Làc ngai sơlơ ờ niam ngan.

Tềng đăp mờ bơta mùl màl do, ồng Trần Đức Quận, Phó Bí thư Thường trực Tỉnh uỷ Lâm Đồng đơs là, di lah ờ tơnguh mpồl lơh broă kờ` bơsong niam, den broă nhơl chờ Dà Làc dê gơtìp ờ niam ngan:

-Do là broă ờ niam ngan, tài broă do lơh gơbàn kal ke rơlao, tàm tu\ mpồl cau lơh broă tu\ do ờ tơl. Den tàng neh dan mờ kuang àng kơlôi sơnơng sền, bơtơl tai mpồl lơh broă. Di lah ờ lơh niam broă do den lơh ờ niam tus mờ broă nhơl chờ ngan.

Cau mblàng Ndong Brawl