VOV4.K’ho – Ală nam do, bal mờ kơ nòl rơcang lài tam lơh, ală cau ling Tiah 3 Ling dà lềng sùm ơm bal mờ làng bol lơh ka tu\ gơlik geh trồ tiah lơh aniai, mìu càl rbut dờng. Khi là anih kơldìng kơ\ kơljap ngan dong cau lơh ka iang nùs lơh broă tiah dà lềng, sền gàr kơ\ gơnoar tờm dà lềng, bồt bơlàu kuơ màng dà lơgar dê.

Mờr 15 nam lòt gan, mơya làng bol tiah tàm gùl dà lơgar kung ờ gơtùi hui\ dơ\ càl rbut dờng Chanchu tàm nam 2015. Dơ\ càl rbut dờng neh lơh git nđờ rbô nơm ơhò plung mờ git nđờ rhiang nă cau lơh ka gơtìp aniai. Tu\ hơ\, ơhò 628 bơh Lữ đoàn 161, Tiah 3 Ling dà lềng neh sơr lèt gan càl rbut dờng, lòt dong kờl rềs àr. Khi sơr lèt gan bơta ngòt rơngơt dong klàs git nđờ rbô nă cau lơh ka.

Ồng Đặng Văn Cu, ơm tàm sơnah [òn Nại Hiên Đông, quận Sơn Trà, [òn dờng Đà Nẵng pà git, mpồl ling dà lềng Tiah 3 dong cau lơh ka geh bơta pin dờn nàng lòt lơh ka jo\ ngai:

“Tài geh bơta dong kờl bơh ling dà lềng dê, làng bol bol a` lòt lơh ka geh ờ do ờ dă. Ală bơta tàm dà lềng gơlik geh bè rềs àr ơhò plung, geh broă lơi gơlik geh kung kơ nờm đah ling dà lềng lơm dong kòl. Geh bè hơ\ den hơ\ sồng bol a` gơtùi lòt kup ka tàm dà lềng jo\ ngai rlau”.

Gam kah lồi nam 2017, càl rbut dờng sồ 12 lơh aniai tàm tiah tàm gùl dà lơgar. Ơhò lơh ka geh bàng sồ BĐ 95956 bơh cau lơh ka càr Bình Định dê gơtìp rềs àr tàm tiah dà lềng Hoàng Sa. Tu\ hơ\, Gah đơng lam mpồl ling dà lềng neh sồr Tiah 3 Ling dà lềng ai ơhò ling dà lềng 799 gam pleh càl rbut dờng tàm Quy Nhơn lòt hờ tiah dà lềng Hoàng Sa nàng dong kờl rềs àr. Tàm bơta `sừc dà lềng dờng, càl khồm pràn, ơhò lơh ka gơtìp dà mut, hời rơhời gơ kram, cau tờm ơhò pal sang ơhò.

Ơhò ling dà lềng 799 neh sơr lèt rlau 80 hải lý nàng jun ală cau lơh ka gơtìp aniai rê hờ anih ơhò ơm Cam Ranh dùl bă ờ do ờ dă. Chuẩn đô đốc Đặng Minh Hải, Phó Chính ủy mpồl ling dà lềng pà git:

“Bơh să tờm ơhò 799 do mìng là ơhò pơndiang pơgap rlau 300 tấn. Tu\ hơ\, `sừc dà lềng dờng, càl khồm pràn neh lơh bơcah jơh mpồng krơh bơh Đài đơng lam dê, dà mut lơh gơ pờ jơh bơl nơp trồm ơn phan. Mơya mờ nùs nhơm là ờ hềt gơtùi dong klàs làng bol den oh mi ờ bài rê. Nùs nhơm tam klac đềt mềr đah ling dà lềng mờ làng bol lơh ka neh pal lơh ngan nàng gơtùi dong klàs”.

Bơh uă nam do, kuang bàng, cau ling Tiah 3 Ling dà lềng neh rơcang lài, lơh niam broă dong kờl rềs àr tàm dà lềng. Tu\ do, Tiah 3 Ling dà lềng neh ai ơhò lơh broă tàm anih ơhò ơm, ơhò dong kờl rềs àr tàm dà lềng. Tu\ gơlik geh mìu càl rbut dờng, ơhò pơndiang phan lơh kơnòl yal geh càl rbut dờng, mìu nhàc, ală ơhò rơcang sơndră gơ lưp, ơhò hoài doi\, ơhò pơndiang.. tu\ lơi kung rơcang lòt gùng dong kờl rềs àr tu\ geh jơnau sồr. Thượng tá Phạm Tiến Chinh, Phó Chính ủy Lữ đoàn 172, Tiah 3 Ling dà lềng pà git, bal mờ broă dong kờl rềs àr làng bol lơh ka tàm dà lềng, mpồl gam rơcang lài lam lơh kơnòl broă sền gàr gơnoar tờm bồt dà lềng dà lơgar dê, dong làng bol lơh ka ală càr kềng gah dà lềng tàm gùl lơgar iang nùs lòt kup ka tàm dà lềng:

“Dong cau lơh ka kup phan tàm dà lềng hơ\ là kơnòl bơh ling dà lềng làng bol Việt Nam dê. Tàm tơl bơta gơlik geh kal ke ngan rlau jơh, bol a` kung sùm rơcang lài nàng sền gàr mờ dong kờl cau lơh ka. Kuơ màng, tàm ală tu\ geh càl rbut dờng, càl khồm pràn bol a` rơcang jòi dong kờl rềs àr làng bol in”.

Ală broă lơh cèng bềng kơnòl mờ nùs nhơm niam bơh kuang bàng, cau ling Tiah 3 Ling dà lềng dê sơlơ lơh àng gơ crà rlau tai rùp să “Cau ling wa Hồ - cau ling dà lềng”.

Cau mblàng K’Duẩn