VOV4.K’ho – Tàm kơnhòal Kon Plông, càr Kon Tum, tiah geh ua\ oh kòn làng bol kòn cau ơm kis, ală cau pơgru tàm do ờ mìng bơto jơnau git wă tàm sră pơ àr ai kơnòm bơsram in mờ gam là cau bèp, cau mè sền gròi ală oh in tơl dơ\ sàu sa, bic lơhă. Nùs nhơm niam, kơ nòl broă bal mờ bơta phi să ngềt ngơt bơh ală pơgru dê neh mblàng wơl bơta kờ` gơboh bơsram sră mờ dong kờl bơta kơp kờ` ală kơnòm bơsram tiah kal ke dê in.

Hìu bơsram Phổ thông kòn cau ơm sa ngai Trung học cơ sở thị trấn Măng Đen, kơnhòal Kon Plông, càr Kon Tum geh 136 nă kơnòm bơsram, tàm hơ\ geh 115 nă kơnòm bơsram ơm sa ngai. Bulah hòi là ơm sa ngai, mơya tài hìu ơm ngài ir, jơh ală oh ndrờm ơm wơl tàm hìu bơsram bơh bồ poh tis lồi poh bè kơnòm bơsram ơm tàm hìu bơsram tơn. Den tàng, ală cau pơgru bơh hìu bơsram dê bal mờ broă bơto bơtê jơnau git wă tàm sră pơ àr ai kơnòm bơsram in, den gam là cau bèp, cau mè sền gròi ală oh in tơl dơ\ sàu sa, tơl dơ\ bic lơhă.

 Ùr pơgru Bùi Thị Như Thảo, atbồ hìu bơsram Phổ thông kòn cau ơm sa ngai Trung học cơ sở thị trấn Măng Đen pà git, bơto bơtê tàm ơdu\ mìng là dùl bơnah bơh broă lơh cau pơgru tàm do dê: “Do là hìu bơsram ơm sa ngai, mơya ndrờm bè ală oh ơm tàm hìu bơsram tơn. Ală oh sàu sa, ơm wơl tàm do, tus lồi poh den hơ\ sồng ală oh rê. Sàu sa den dùl ngai sa 3 dơ\ là [ùi drim, trồ ngai mờ mho. Hìu bơsram kung gơtùi gàr tơl broă sàu sa, ơm wơl ală oh in tu\ ală oh ơm tàm [òn ngai rê ơm tàm hìu bơsram. Hìu bơsram sồr ală cau pơgru drơng broă pah ngai. Dùl ngai 2 nă cau pơgru drơng broă gùt ngai nàng pơlam ală oh in git broă gàr kloh niam, sàu sa, ơm rlô. Ai trồ mang den geh ală cau pơgru ơm wơl hìu ơm bal, pơlam ală oh bơsram tàm trồ mang mờ bơyai lơh ală dơ\ nhơl `o\ bơdìh mờ tu\ jơ bơsram tàm trồ mang”.

Tàm hìu bơsram Phổ thông kòn cau ơm sa ngai Trung học cơ sở thị trấn Măng Đen, kơnhòal Kon Plông, bal mờ broă bơto bơtê jơnau git wă tàm ơdu\ bơsram, ală cau pơgru gam lời tu\ ru nàng tam biap, ròng phan, jòi ală bơta nàng lơh gơlik ph sa tơl niam ală oh in. Khà jờng, kung là bơta chờ hờp bơh ală cau pơgru tàm do dê là pah ngai geh sền go\ ală kơnòm bơsram tryang tryồng bơsram sră mờ chờ hờp tàm ală dơ\ sàu piang geh ală cau pơgru tru\ gơm mờ jơh nùs nhơm kờ` gơboh.

Oh La Thanh Tú, kơnòm bơsram ơdu\ 9A ngoh rơngac tu\ đơs bè bơta sền gròi ală cau pơgru dê: “Ală cau pơgru sền gròi wil tơl ngan ală oh in. Ală cau pơgru sền gròi ală oh in bè kòn tờm ală pơgru dê. Pah ngai, [ùi drim geh pơgru tru\ piang nàng sàu. Trồ ngai, trồ mho kung bè hơ\ sơl. Phan sa den sau go\ bơkah ngan tài tơl dơ\ sàu ndrờm tam gơl phan sa lơm. Pơgru Nhài tru\ sa den bơkah ngan. Hơ\ sồng trồ mang ală ùr pơgru lòt tơngkah bơsram sră. Hơ\ sồng gam tơngkah broă pơs wàs anih ơm sàu sa, anih bic hơ\ sồng gàr kloh niam să jan tai. Ală pơgru sền gròi tơl bơta, bơh bơta dềt rơ hền”.

Nam bơsram do, kơnhòal Kon Plông, càr Kon Tum geh 18 hìu bơsram Phổ thông kòn cau ơm sa ngai mờ rlau 2 rbô nă kơnòm bơsram geh dờp bơta dong kờl jat Nghị định sồ 116, tơlik ngai 18/7/2016 bơh Chính phủ dê, cih bè broă lơh dong kờl kơnòm bơsram mờ hìu bơsram phổ thông tàm xã, thôn ua\ kal ke.

Broă cau pơgru tàm ală hìu bơsram jơh nùs lam lơh niam broă lơh ơm sa ngai dong ală kơnòm bơsram kòn cau tàm kơnhòal iang nùs bơsram sră. Nùs nhơm niam, kơ nòl broă bal mờ bơta phi să ngềt ngơt bơh ală cau pơgru dê neh mblàng wơl bơta kờ` gơboh bơsram sră mờ dong kờl bơta kơp kờ` ai ală kơnòm bơsram tiah kal ke Kon Plông bơh càr Kon Tum dê in.

Cau mblàng K’Duẩn