VOV4.K’ho – Sơnam pa chờ hờp, sa tềp Canh Tý neh tus rềp. Tàm làm gùt ală [òn Tây Nguyên, làng bol gam ờ ru ngan mờ broă lơh lồi nam, pơs wàs, lơh niam wơl hìu đam, [òn lơgar. Gơnoar atbồ tàm [òn lơgar kung lời ai bơta sền gròi ua\ ngan ai ală hìu bơnhă kal ke, hìu bơnhă geh sră dong kờl bơh dà lơgar in wă rò sa tềp bơ tòm mat bal, ram mhu\.

Sơlơ mờr tus sa tềp, nùs nhơm lơh broă mờ rơcang sa tềp bơh làng bol [òn Đăk Rao Nhỏ, xã Pô Kô, kơnhòal Đăk Tô sơlơ jal mhar rlau. Nàng geh dùl dơ\ sa tềp chờ hờp, ram mhu\, 175 hìu bơnhă làng bol tàm [òn, ờ cau lơi đơs mờ cau lơi, ndrờm lơh ngan lơh gơs ală broă lơh sươn sre gam ờ hềt jơh. Bal mờ hơ\, hìu bơnhă lơi kung pơs wàs, bơka lơh niam wơl hìu đam.

Bi A Đằng, dùl nă cau tàm [òn pà git, hìu lơi tàm [òn kung rơcang wil tơl lơm nàng chờ hờp sa tềp mờ wă rò sơnam pa: “Tơnơ\ tu\ tơnhàu jơh phan tam, hìu bơnhă a` mờ làng bol tàm [òn ndrờm tềm pềr geh dùl êt pria\ jền nàng blơi phan rơcang wă rò sa tềp. Lài mờ sa tềp pơgap 2 poh den hìu lơi tàm [òn kung [e\ tơrnờm nàng prap `ô tàm ală ngai sa tềp. Ală hìu bơnhă pas gơs rlau den geh poac iar, poac ơda, poac sur nàng sa tềp mờ jà jơi nòi tus bal chờ hờp sa tềp. Ală hìu bơnhă lơi gam gơtìp kal ke den kung geh [a` kèu đau sơl. Rơcang lài kòi phe, phan sa tàm dơ\ sa tềp, geh hìu bơnhă den gam jòi ală phan sa kòn cau bè gòl, đe brê, ka dà croh. Mang tàm jàu sơnam pa den tơl nă cau geh chờ hờp wă rò sa tềp tàm hìu bơnhă. Ngai 1, ngai 2 sa tềp den làng bol lòt tàm còp gơp. Tus ngai 3 sa tềp den cau kra [òn mờ cau atbồ [òn geh bơyai lơh sa tềp bal tàm hìu pơrjum [òn. Hìu lơi geh drap tơrnờm den tă pơgồp drap tơrnờm, geh phan sa den ìa phan sa tus hìu pơrjum [òn nàng chờ hờp wă rò sơnam pa bal mờ gơp”.

Làng bol kòn cau K’ho tàm [òn Ha Oai, xã Tu Tra, kơnhòal Đơn Dương, càr Lâm Đồng kung gam duh hồl ngan rơcang wă rò sa tềp. Ală hìu bơnhă tàm jà gơp pơs wàs gùng lòt tàm [òn, bơka lơh niam wơl hìu đam sàng goh, niam bơne\. Bal mờ broă lơh gơs ală broă lơh sươn mìr, làng bol kung blơi phan bơna, rơcang lài kòi phe, phan sa kuơmàng hìu bơnhă in.

Bi K’Moi, cau tàm [òn pà git: “Jat bơhìan bơh yau den làng bol ờ sa tềp bơhìan yau, mơya rlau 10 nam do làng bol kung gờm chờ wă rò sơnam pa sơl. Ală hìu bơnhă cau lơi kung rơcang iar, sur nàng lồi nam lơh poac, bơ tòm tơr gùm mat hìu bơnhă nàng sa tềp. Bal mờ hơ\, tu\ lòt lơh mìr, lòt tàm brê, làng bol gam pic tai biap brê bè gòl, biap nse nàng tru\ gơm phan sa ờs mờng kòn cau dê nàng jà cau tờm, làng bol tàm [òn tus bal chờ hờp sa tềp tu\ sơnam pa tus”.

Làng bol kòn cau Rơđê tàm càr Dak Lak kung chờ hờp rơcang wă sò sa tềp Canh Tý nam 2020 bơh pơgap mờ do lài 2, 3 ngai tus nggùl nhai. Bulah ờ lơh ală bơhìan lơh yàng bè ală kòn cau ndai, mơya kòn cau Rơđê kung pơs wàs hìu đam, blơi phan bơna, gơ rờm bal mờ nùs nhơm sa tềp bơh dà lơgar dê.

Mè Chiến (mat tờm là H’Nguyên Mlô), ơm tàm [òn Sú, xã Ea Hồ, kơnhòal Krông Năng, càr Dak Lak pà git: “Broă rơcang wă rò sa tềp bơh làng bol tu\ do dê kung krơi ngan pơn drờm mờ rài yau. Rài yau ndrờm bè ờ lơh bơta lơi. Tu\ do kung neh đòm jat oh mi cau Yoan bè klơm mbar, lơh poac sur, iờ să, pơs wàs hìu đam nàng wă rò sa tềp. Ală hìu bơnhă kòn cau Rơđê tàm do đòm jat ală bơta niam bơh oh mi cau Yoan dê tàm dơ\ chờ hờp sơnam pa”.

Ală tam gơl tàm rài kis làm gùt ală [òn kung lơh làng bol chờ hờp ngan rơcang wă rò sa tềp bơhìan yau bơh jơi bơtìan dê. Đại tá Đinh Bếch, kòn cau Bahnar, neh geh tu\ lơh Kuang atbồ Mpồl đơng lam ling klàng kơnhòal Kbang mờ kơnhòal Mang Yang, càr Gia Lai. Tơnơ\ tu\ ơm rlô lơh broă, tus bal rlau 2 khóa lơh bí thư chi bộ tổ dân phố 10, thị trấn Kbang, ồng sùm lơh ngan nàng pơgồp bơnah bơtàu tơnguh lơh sa, mpồl bơtìan tàm [òn ơm kis, ngan là tàm broă bơt bơtàu [òn lơgar pa. Bơta tam gơl bơh ală [òn dê geh ồng sền go\ loh làng ngan jat tơl nam: “Càr Gia Lai đơs bal, kơnhòal Kbang đơs is neh geh ua\ ngan tam gơl pa, bơtàu tơnguh pal chờ hờp ngan. Kơnờm geh bơta sền gròi bơh Đảng, dà lơgar dê mờ làng bol neh tam kơphe, kau su niam ngan, dong rài kis làng bol ngai sơlơ bơtàu tơnguh. Sền go\ bơta tam gơl bè hơ\ a` chờ hờp ngan”.

Mờ nùs nhơm lơh ngan ờ lời hìu bơnhă lơi ờ geh sa tềp, ală ngai do, gơnoar atbồ tàm [òn lơgar, ală mpồl lơh broă mpồl bơtìan, cau geh nùs nhơm niam bơyai lơh ală broă lơh chờ hờp sa tềp, lùp còp, pà phan sa tềp ai ală hìu bơnhă kal ke, hìu bơnhă geh sră dong kờl bơh dà lơgar, làng bol kòn cau in.

Gơnoar atbồ xã Ia Krêl, kơnhòal Đức Cơ, càr Gia Lai gam jal mhar tơr gùm sền gròi sa tềp làng bol in, ngan là ală hìu bơnhă r[ah. Xã neh tă pơgồp geh mờr 100 tơlak pria\ bơh ală mpồl lơh sa kă bro gam lơh broă tàm do nàng blơi phe, boh mờ [a`, kèu.. lơh phan pà sa tềp. Ồng Rơ Mah Chắt, Phó Bí thư Đảng ủy xã Ia Krêl, kơnhòal Đức Cơ, càr Gia Lai pà git: “Rơcang wă rò sa tềp, kơnhòal, xã neh hòi jà ală mpồl, gah broă lơh, mpồl cau, ală mpồl lơh sa kă bro tă pơ gồp dong kờl nàng rơcang ală phan sa tềp pà làng bol geh rài kis kal ke, hìu bơnhă geh sră dong kờl bơh dà lơgar in. Di bồ nam pa, ala mat đảng bộ, gơnoar atbồ xã nting sap làng bol tàm ală [òn bềng pràn kơldang, lơh sa geh cồng nha, tam klac bal nàng bơt bơtàu [òn lơgar pas sơm, niam bơne\”.

Ia Dom là xã tiah nhàr dà lơgar gơwèt kơnhòal Đức Cơ, càr Gia Lai. Gùt xã geh rlau 1 rbô 600 hìu bơnhă làng bol, tàm hơ\ geh rlau 40% là làng bol kòn cau. Rài kis làng bol tàm xã dê neh hời rơhời geh tơnguh niam, mơya kung gam dùl bơnah làng bol, ngan là làng bol tàm [òn lơgar, rài kis gam kal ke ngan. Đảng bộ, gơnoar atbồ xã gam tơr gùm lam lơh ală broă lơh nàng kờ` dong làng bol tàm xã geh dùl dơ\ sa tềp ram mhu\, ring lơngai, chờ hờp, ngan là sền gròi sa tềp ai hìu bơnhă r[ah, hìu bơnhă geh sră dong kờl bơh dà lơgar in.

Ồng Rơ Châm Tiu, Chủ tịch Mặt trận dà lơgar xã Ia Dom, kơnhòal Đức Cơ, càr Gia Lai pà git: “Rơcang wă rò sa tềp, xã neh crơng gơs ală mpồl nàng sền gròi sa tềp làng bol tàm [òn lơgar in. Ală mpồl lơh broă bơh xã dê geh tus tơl [òn nàng pà phan sa tềp hìu bơnhă geh rài kis kal ke, hìu bơnhă geh màng mờ dà lơgar in. Bol hi geh lơh ngan nàng làng bol in geh sa tềp ram mhu\, ring lơngai, chờ hờp. Di sơnam pa, a` kung nting sap làng bol tàm ală [òn pràn kơldang, lơh sa geh cồng nha, tam klac bal nàng bơt bơtàu [òn lơgar pas sơm, niam bơne\”.

Tus bal broă lơh “Sa tềp bơtòm tơr gùm mat sơnam pa Canh Tý nam 2020” bơh Liên đoàn Lao động càr Kon Tum bơyai lơh geh 250 nă đoàn viên công đoàn geh rài kis kal ke. Bal mờ broă geh sền ală jơnau đơs crih tamya gờm chờ sơnam pa 2020, ală đoàn viên công đoàn geh Liên đoàn Lao động càr Kon Tum pà phan sa tềp, tơl bơnah phan kờp pria\ 500 rbô. Tàm broă lơh, Liên đoàn Lao động càr Kon Tum kung jàu kơrnuat dong kờl lơh pa 11 nơm hìu mờ lơh niam wơl 2 nơm hìu ơm công đoàn, mờ kờp jơh pria\ tă lơh là 585 tơlak pria\.

Bi Dương Văn Phước, dơ\ 2 geh tus bal broă lơh do ngoh rơngac đơs: “Mìng is să tờm a` dê nam do là nam dơ\ 2 geh sa tềp bơ tòm tơr gùm mat bal. A` dan jơh nùs ưn ngài ală kấp kuang đơng lam bồ, Liên đoàn Lao động càr bơyai lơh sa tềp bơ tòm tơr gùm mat, a` go\ gơ loh ram mhu\ mờ chờ hờp ngan ai tơl nă công nhân bol a` in tàm bơta rài kis kal ke. A` go\ sa tềp do ram mhu\ mờ chờ hờp ngan ai tơl hìu bơnhă bol a` in”.

Cau mblàng K’Duẩn