Ờ hềt geh dờp cau lơh broă lơgar Việt Nam tàm lơgar Hàn Quốc, Nhờk gơtìp ha là geh pin gơtìp kòp Covid-19
Thứ ba, 00:00, 25/02/2020
VOV4.K’ho - Tàm pơrjum mhar geh Bộ Lao động-Thương binh mờ Xã hội bơyai lơh tàm ngai òr (24/2), đah atbồ cau lơh broă bơdìh lơgar đơs, tus tu\ do, ờ hềt geh dờp cau lơi là cau lơh broă lơgar Việt Nam gơtìp kòp ha là geh pin gơtìp kòp Covid-19 tàm lơgar Hàn Quốc mờ lơgar Nhờk.
Ală ngai pa do tu\ lơgar Hàn Quốc, Nhờk geh cau gơtòp kòp Covid-19, jăt jơnau đơng lam bơh Bộ Lao động-Thương binh mờ Xã hội, đah atbồ cau lơh broă bơdìh lơgar pơn jăt tai đơng lam ală mpồl atbồ cau lơh broă lơgar bơdìh lơh jăt ală broă bal mờ gùng dà kờ` bơsong.
Tềng đăp măt, đah atbồ cau lơh broă bơdìh lơgar pơn jăt tai đơng lam mpồl atbồ cau lơh broă lơgar Việt Nam tàm lơgar Hàn Quốc, Nhờk pơn jăt tai sền gròi nền nòn ală bơta kòp, g^t jơnau yal bè cau lơh broă lơgar Việt Nam, geh ală gùng dà broă lơh bơto sồr kờ` cau lơh broă iang nùs, rơcang tàm broă sơndră mờ kòp di jăt mờ kơrnoăt geh ai.
Cau mblàng Ndong Brawl
Viết bình luận