VOV4.K’ho - Ồng A Chông, kòn cau Sơdàng kis tàm [òn Đăk Klong, xã Đăk Hring, kơnhoàl Đăk Hà, càr Kon Tum là cau geh bơngă pin dờn tàm [òn lơgar. Ồng ờ mìng lơh sa jăk, mờ gam tus bal tàm broă lơh mpồl bơtiàn, dong kờl uă cau kal ke geh sơrlèt tàm rài kis. Mờ ală broă lơh geh kuơ hơ\, ồng A Chông sùm geh làng bol g^t jơnau mờ gơnoar atbồ [òn lơgar dờp.

Lài mờ nam 1995, rài kis hìu nhă ồng A Chông kis tàm [òn Đăk Klong, xã Đăk Hring, kơnhoàl Đăk Hà, càr Kon Tum kal ke ngan, piang ờ geh nàng sào, ào ờ geh nàng soh ram să. Rài kis hìu nhă mìng kơnờm tàm kàl tơnhào kòi, tơngời tàm mìr.

 Ồng A Chông kra [òn Đăk Klong, xã Đăk Hring, kơnhoàl Đăk Hà, càr Kon Tum

Nam lơi mìu nhàc niam den tơl sa, nam lơi di lah gơbàn rềs àr bơh trồ tiah, tu kòp lơh aniai, ờ geh tơnhào den jơgloh. Ală bơta tàm broă ngui sa, rài kis hìu nhă, oh kòn lòt bơsram kung kal ke ngan.

Ờ kờ` bơta jơgloh, rơ[ah sùm gơbàn tàm rài kis, ồng A Chông neh tus bơsram is bè broă tam phan, ròng phan. Ồng tus tàm càr Dak Lak kờ` blơi 500 tòm kơphe sơntìl cèng tam. Go\ tòm kơphe hòn gơs niam, 2 nam tơnơ\ ồng rề ơnàng bă ù tam tai 600 tòm kơphe tai. 2, 3 nam tơnơ\, rơlao 1 lồ suơn kơphe hìu nhă ồng neh ai geh tơnhài dơ\ sơnrờp.

Khà priă geh bơh broă tăc kơphe bal mờ phan geh lơh bơh broă lơh sa suơn sre ndai ồng blơi geh 30 nơm kơnrồ mờ lơh wàng ròng tàm tô geh croh dà Têa Rơvê, gơwèt [òn Tu Kơteăng, xã Đăk Long, kơnhoàl Đăk Hà, mờ dờp sền gàr rơlao 120 lồ brê nho geh dà lơgar jào.

Ồng A Chông pà g^t, hìu nhă ồng pa ròng kơnrồ mờ sền gàr brê, mờ pờ ơnàng tai bă ù tam ală bơta phan tam, den tàng rài kis neh geh tơl ngui tơl sa rơlao.

-Tu\ do, a` geh 3 lồ suơn kơphe, rơlao 1 lồ ù tam bùm blàng, rài kis hìu nhă a` neh tơl ngui tơl sa rơlao mờ lài uă ngan. Tài go\ a` lơh sa geh niam bơh broă tam kơphe, den tàng geh ală hìu tàm [òn geh ù jăt gah croh dà ndrờm đòm jăt mờ tam kơphe jơh.

Mìng is tòm tiêu den tàm do tam ờ uă, mìng geh oh mi cau yoan tam mơ. Tài tòm tiêu pal geh priă bơcri uă, broă sền gàr kal ke den tàng a` tam gơl tam 1 lồ ù tam cao su, 2 sào tòm [ời lời.

Là cau jăk chài, geh bơngă pin dờn, nam 2003, ồng A Chông geh aln2g bol pồ lơh Chủ tịch Hội Nông dân xã Đăk Hring. Jơh sơnam lơh broă, ồng ờ ơm lơh broă, tài geh làng bol pồ lơh kra [òn tàm [òn Đăk Klong, hơ\ sồng tus bal lơh broă tàm mpồl mặt trận [òn, lơh kuang atbồ mpồl cau dờng sơnam.

Bu\ lah ờ ru mờ broă lơh mpồl bơtiàn, mơya ồng A Chông kung gam đơng lam jăk broă lơh hìu nhă tòm tàm broă lơh sa geh cồng nha. Pah nam, hìu nhă ồng geh tus g^t nđờ rơhiang tơlăk priă, lơh dùl nơm hìu dờng niam, blơi dùl nơm rơndeh lơ-òr, rơndeh công nông, blơi tơl ală phan ngui pa tàm hìu nhă.

Ồng A Chông yal: lài do ồng kung rơ[ah mờ glar bòl ngan, tu\ do neh tơl ngui tơl sa rơlao den tàng kung tam pà dùl bơnah ai ală cau gam kal ke in.

-A` sùm dong kờl làng bol, tàm hơ\ uă ngan là mờ ơruh pơnu, nam lơi a` kung dong kờl làng bol càn di pơgăp bơh 4 tus 5 tơlăk priă kờ` drơng tàm broă lơh sa. Uă hìu nhă tài rài kis kal ke a` sơnđàc ngan, ai càn mờ ờ pal tơm priă mờ mìng sồr làng bol dong kờl lơh broă kờ` tơn jơh dồs.

Tàm nùs nhơm a` là mìng kờ` dong kờl làng bol geh broă lơh sa niam, kờ` làng bol geh tơnguh bơtàu, tơriang tơriồng tàm broă lơh sa, tơnguh bơtàu lơh sa hìu nhă. Jăt kàl, tu\ lơi làng bol lơh broă suơn mìr sir den tus dong kờl hìu nhă a`.

Mò Y Nông, Phó Chủ tịch UBND xã Đak Hring đơs bè ồng A Chông là dùl nă cau kra [òn geh bơngă pin dờn, geh uă broă pơgồp bal niam tus mờ xã.

Ồng sùm pơgồp bal mờ mpồl sền gàr [òn, bal mờ ală gah, mpồl lơh broă lơh jăk niam ală gùng dà broă lơh bơh cấp uỷ, gơnoar atbồ xã geh ai. Ồng ờ mìng lơh sa jăk mờ gam dong kờl uă hìu rơ[ah sơrlèt mờ kal ke, geh rài kis tơl ngui tơl sa rơlao.

-Uă nam do, ồng A Chông là cau jăk chài ngan tàm mpồl đah măt trận, ồng geh bơngă pin dờn tàm mpồl bơtiàn. Kuơ màng, ồng sùm pơgồp bal jơnau đơs bal mờ kuang bàng xã, [òn lam sồr bè gùng dà broă lơh bơh Đảng, adăt boh lam bơh Dà lơgar mờ geh làng bol tàm [òn lơh jăt nền nòn.

Ồng gam là cau lam lài tàm broă lơh sa jăk ngan [òn Đăk Klong dê, nam lơi kung geh gơnoar atbồ pơn jờng, pa do den geh càr pơn jờng tai.

Nam do, neh mờr 75 sơnam, ồng A Chông kis tàm [òn Đăk Klong, xã Đăk Hring, kơnhoàl Đăk Hà, càr Kon Tum gam sùm lam lài, geh kơnòl mờ broă lơh [òn lơgar dê. Ồng sùm dong kờl, bơto sồr ală hìu nhă geh rài kis kal ke sơrlèt mờ brồ guh.

Ờ mìng tam pà broă lơh mờng chài tàm broă lơh sa, tơnguh bơtàu lơh sa hìu nhă, ồng gam lam sồr làng bol sền gàr bơta lơngăp lơngai ờ do ờ dă mpồl bơtiàn, tơnguh bơhiàn chài rơgơi kòn cau. Mờ ală broă lơh geh kuơ do, ồng A Chông sùm geh làng bol g^t jơnau mờ gơnoar atbồ dờp.

     Cau mblàng Ndong Brawl