VOV4.K’ho - Là cau jăt yàng, nam do neh 74 sơnam, ờ di là cau geh đảng, ơm kis tàm tiah kal ke mơya ồng A Hiết, kòn cau Sơdàng, hìu ơm tàm [òn Kon Hnông, xã Đăh Tờ Kan, kơnhoàl Tu Mơ Rông, càr Kon Tum gam geh uă cau g^t tus tài là cau geh pơnrơ jăk tàm broă bơsram mờ lơh jăt Bác Hồ.

Jơnau bơsram Bác Hồ, lơh jăt Bác Hồ kung bè nùs nhơm g^t pin dờn yàng, gơboh mờ dà lơgar, kis niam rài kis sàng goh gùng jăt yàng bơh ồng A Hiết dê neh mờ gam geh pơnrơ ngan tàm ală [òn rềp [òn ngài càr Kon Tum dê.

Sơbăc sơbang rơlao mờ sơnơm 74, sùm lam lài tàm broă jăt gùng yàng, broă rài kis là bơta [uơn go\ ngan tu\ tìp mờ ồng A Hiết. Ồng yal pơgăp mờ do 12 nam, tu\ Đảng uỷ xã Đăk Tờ Kan mờ Chi bộ [òn Kon Hnông lơh jăt dơ\ lam sồr “Bơsram mờ lơh jăt nùs nhơm ơnà jăk Bác Hồ”, ồng geh tơl bơta wă nền nòn rơlao bè nùs nhơm mờ ơnà jăk bơh Bác Hồ dê.

                                                                       Ồng A Hiết yồng rùp Bác Hồ

“Bác Hồ sền nùs nhơm là bơta tòm, là bơta ròng siam mờ tơnguh bơtàu kòn bơnus mờ Bác Hồ là cau lam lài bè bơta tơriang tơriồng, tềm pềr, ờ do ờ dă, lơh broă jơh nùs, ờ geh bơta lơi”.

Sền ngềr nùs nhơm kờ` gơboh mờ kòn bơnus uă ngan, jơh rài drơng broă dà lơgar, drơng broă làng bol Bác Hồ dê, ồng A Hiết dan mờ Chi bộ [òn Kon Hnông pơgồp bal broă lam sồr “Bơsram mờ lơh jăt ơnà jăk, nùs nhơm niam Bác Hồ dê” mờ dơ\ lam sồr “Gùt làng bol tam klăc bơ\t bơtàu rài kis chài rơgơi tàm [òn ơm kis” kờ` lơh jăt bal.

Mờ gơnoar là cau kra [òn, ồng A Hiết neh lam sồr làng bol jăt yàng tàm [òn, bơdìh xã kung kơlôi sơnơng bal mờ lơh ndrờm bè ồng dê:

-A` mblàng mờ ală cau ală bơta kuơ nùs nhơm, ơnà jăk bơh Bác Hồ dê ờ ngài mờ gùng jăt yàng, tài bơta bơ\t bơtàu mpồl bơtiàn ngai sơlơ niam bơne\. Ală cau ndrờm geh bơsram mờ lơh jăt ơnà jăk bơh Bác Hồ dê. Bơh tu\ hơ\, làng bol jăt yàng chờ hờp ngan lơh jăt bal jơh bàr dơ\ lam sồr mờ geh ală cồng nha uă ngan.

Tơnơ\ mờ uă nam bơsram sùm, lơh jăt jơnau bơto bơh Bác Hồ, mờ cau lam lài bơh ồng A Hiếu dê, rài kis nùs nhơm bal mờ phan bơna làng bol kis tàm [òn Hnông đơs is mờ xã Đăk Tờ Kan đơs bal ngai sơlơ geh uă tam gơl niam bơne\.

                              Ồng A Hiết là cau lam lài tàm broă lơh jăt ơnà jăk Bác Hồ dê

Bơsram bal broă gơboh kờ` mờ kòn bơnus bơh Bác Hồ dê, dong kờl bal tàm làng bol jăt yàng geh gơguh ngan. Tu\ do, hìu nhă lơi tàm [òn, tàm xã gam kal ke, cau pròc mhàm gơtìp kòp tê jê să ha là gơtìp chơ\t jê ndrờm geh dờp broă còp să, lam sồr sền gròi tam pà bal. Làng bol jăt yàng tàm [òn Kon Hnông gam tă priă dong kờl ală hìu rơ[ah tàm ală [òn ndai tàm xã, dong kờl làng bol gơtìp dà còp, rềs àr bơh trồ tiah.

Tàm broă tơnguh bơtàu lơh sa, làng bol jăt yàng tam klăc bal, dong kờl bal lơh broă sa, lơh jăt broă tềm pềr tàm broă ngui sơntìl, phơng sih; sơndră mờ hoàc huơr tàm broă ngui dà tuh; ngui ù gùt dar hìu tam biăp kờ` geh tơl biăp sa pah ngai…

Drơng gàr broă bơto bơtê mờ bơsram, ồng A Hiết tus tơl hìu lam sồr ală cau sền gròi bal broă bơsram sră oh kòn in. Kơnờm mờ hơ\, jơh ală oh kòn tàm [òn Kon Hnông tàm sơnam ndrờm geh lòt bsram. Tam pà bơh jơnau kơlôi sơnơng să tòm bè broă bơsram sră mờ lơh jăt Bác Hồ, ồng A Hiết đơs:

-Lài jơh, nùs nhơm mờ ơnà jăk Bác Hồ dê tu\ geh bơsram mờ lơh jăt geh drơng mniam ai broă tơnguh bơtàu mpồl bơtiàn in. broă jăt yàng ờ tam cah is mờ sùm đềt mềr bal mờ broă tus bal bơsong ală bơta mùl màl tàm rài kis [òn lơgar.

Broă lơh nùs nhơm jăt yàng pal di pal mờ nùs nhơm mpồl bơtiàn, pơgồp bal tàm broă bơ\t bơtàu kòn bơnus pa geh bồ tơngoh ngăc ngar, nùs nhơm, rài kis niam, geh kơnòl mờ mpồl bơtiàn. Geh nùs nhơm gơboh mờ dà lơgar, tu\ lơi kung rơcang bơ\t bơtàu [òn lơgar.

Là cau lam lài tàm broă bơsram mờ lơh jăt Bác Hồ, jơnau bơsram mờ Bác Hồ, lơh jăt Bác Hồ kung bè nùs nhơm pin dờn yàng gơboh mờ dà lơgar, kis niam rài kis sàng goh gùng jăt yàng bơh ồng A Hiết neh mờ gam geh pơnrơ ngan gùt [òn rềp, [òn ngài tàm càr Kon Tum dê.

Nhai 10 nam 2019 lài do, ồng A Hiết neh pơnyờ să là dùl tàm 245 nă cau ala măt mùl màl tus pơrjum dờng ală jơi bơtiàn kòn cau càr Kon Tum dơ\ 3 nam 2019. Tàm pơrjum dờng, ồng A Hiết neh geh jơnau yal “Làng bol jăt yàng dùl nùs jăt Đảng mờ Bác Hồ” geh uă cau iăt sền ngềr ngan mờ pơrjum dờng đơs niam.

     Cau mblàng Ndong Brawl